ASNN – Një ndeshje e humbur, por një paraqitje e mirë, e për më tepër ndaj një kundërshtari shumë më superior, si në potencial financiar, atë historik, por edhe në organikë. Partizani është mundur 1-3 në miqësoren e luksit përballë Fenerbahçes, të zhvilluar në Antalja sonte, në një ndeshje ku ashtu siç pritej ekipi vendas dominoi falë cilësive që kishte në përbërje.
Një fillim krejt i papjekur i lojës nga ekipi shqiptar solli dy gola të shpejtë për miqtë, ndërsa më pas Partizani arriti të kontrollonte më mirë lojën e tyre dhe në fundin e pjesës së parë u mundua që të bënte diçka edhe në fazën sulmuese më anë të Ekubanit. Pas vetëm 5 minutash lojë, Ramadani humb një duel në mesfushë duke i dhënë mundësinë Josef të pasonte për Ozanin.
Ky i fundit e kontrolloi me lehtësi topin në qendër të zonës së Partizanit, duke goditur e duke mposhtur Hoxhën. Të kuqtë e kanë humbur qetësinë dhe vetëm 2 minuta më pas, Ramadani rrezikon autogolin. Në tentativën për të larguar topin nga zona me kokë, ai godet shtyllën horizontale të portës së Partizanit. Menjëherë pas kësaj, ka ardhur edhe goli i dytë i turqve.
Pas ekzekutimit të një goditjeje këndi, Fernandao devijon në portën e Hoxhës një gjuajtje të Karavajevit, duke dyfishuar shifrat. Në pjesën e dytë, Fenerbahçe gjeti edhe golin e tretë, me Kojbashin e harruar i vetëm në nga prapavija e Partizanit, por nuk e mbylli pa lënë shenjë këtë ndeshje skuadra nga Tirana, e cila arrin të shënojë golin e nderit me autorin e përhershëm Ekuban në minutën e 83-të të kohës së rregullt.
