Partizani B i Marko Pelinxhit, dje në kompleksin sportiv në Pezë-Helmës, ka shkatërruar Skraparin, ndërsa ka marrë një fitore bindëse 5-1 duke u pozicionuar në vendin e 3-të pas javës së 12-të të grupit A të Kategorisë së Dytë.

Ka qenë një lojë e dominuar plotësisht nga të kuqtë, të cilët në minutën e 11-të kanë fituar të drejtën e një 11-metërshi, që e ka kthyer në gol Ismaili. Pas 11 minutash vjen një tjetër 11-metërsh për Partizanin B, të cilin e ka kthyer në gol Gjonikaj.

Ndërkohë që më parë, në të 15-tën, kishte shënuar Gjeçi, i cili shënon sërish në të 30-n minutë dhe Partizani B ka mbyllur pjesën e parë në shifrat 4-0. Në pjesën e dytë ka ardhur dhe goli i dytë i Ismailit, në minutën e 70-të.

Kurse goli i Veisllarit, në minutën e 81-të, ka shërbyer sa për statistikë, duke e mbyllur të gjithë ndeshjen 5-1 për Partizanin B. Ndeshja e radhës e të kuqve është në Durrës përballë Teutës B.

Partizani B – Skrapari                      5-1

Shënues: Ismaili 11’(11-m.), 70’, Gjeçi 15’, 30’,

Gjonikaj 22’(11-m.) / Veisllari 81’

Partizani B: Gjonikaj, Dulo, Çema, Tarja, Karameto, Lama (Kurti 59’), Berberi, Sina, Agalliu (Gjoni 7’), Ismaili, Gjeçi (Tirana 46’). Trajner: M. Pelinxhi

Skrapari: Berollari, Demko, Hatellari, Jaho, Tusha, Xhirdhri, Memollari (Ymeri 77’), Veisllari, Pasha (Muça 68’), Kapxhi, Dosti. Trajner: A. Spahiu

Gjyqtarë: Xh. Mema, B. Grepi, M. Sadikaj (Durrës)

Karton i verdhë: Hatellari

Kategoria e Dytë

Grupi A

Java e 12-të

(17-18 dhjetor 2014)

Të mërkurën:

Shënkolli – Luzi 2008         1-2

Erzeni – Olimpik                   4-1

Vora – Domosdova              1-1

Sukthi – Tirana B                 0-2

Albpetrol – Korabi                0-1

Të enjten:

Partizani B – Skrapari         5-1

Teuta B      pushim

Renditja

Nr.       Skuadra         N.        F.         B.        H.        Gsh-Gp          Pikë

1. Korabi 11        10        1          0          16-3                31
2. Erzeni 11        10        0          1          32-13              30
3. Partizani B 11        7        3          1          17-2                24
4. Luzi 2008 12        7        2          3          21-8                23
5. Shënkolli 11        4        2          5          20-15              14
6. Vora 11        3        4          5          16-17              13
7. Sukthi 11        3        3          5          12-15              12
8. Tirana B 11        3        3          5          16-20              12
9. Albpetroli 11        2        5          4          8-12              11
10. Teuta B 11        2        4          5          13-15              10
11. Olimpik 11        2        3          6          14-21              9
12. Domosdova 11        1        2          8          8-27              5
13. Skrapari 11        1        2          8          5-31              5