ASNN – Një prej ndeshjeve të rëndësishme të javës së 25-të të Kategorisë Superiore ishte ajo mes Laçit dhe Flamurtarit, e cila nuk prodhoi gola dhe u mbyll me një barazim të thatë 0-0. Ishte një ndeshje ku Laçi, që për herë të parë kishte në stol Sulejman Starovën, luajti më mirë dhe ishte më pranë fitores, por falë një mbrojtje solide dhe një skuadre që nuk u përpoq të bënte më shumë në sulm si Flamurtari, rezultoi që të dyja skuadrat të merrnin nga nj pikë.

Deklaratat e trajnerëve pas ndeshjeve linjin të kuptohet që barazimi la më të kënaqur trajnerin Ilir Daja të Flamurtarit, i cili pranoi se skuadra e tij nuk meritonte më shumë në këtë ndeshje sepse nuk kishte bërë ndonjë lojë cilësore dhe nuk kishte potencialin e  duhur për të arritur më shumë. Ndërkohë, Sulejman Starova i Laçit tha pas ndeshjes se ishte i kënaqur nga loja, por do të donte fitoren për atë që paraqiti ekipi në fushë. “Jam i kënaqur me lojën, jo me rezultatin”, – u shpreh ndër të tjera ai.

“Kemi pasur shumë raste, kemi dhënë shpirtin në fushë, – ka vijuar Starova. – Laçi ka bërë një paraqitje shumë të mirë. Në harkun e dy stërvitjeve me ka dhënë shumë shpresë si ekip.” Pas kësaj ndeshjeje, Laçi shkon në 35 pikë, në vend të 5-të, por me pikë të barabarta me Skënderbeun e vendit të 4-t. Kurse Flamurtari shkon në 35 pikë, por mbetet në vend të 6-të. Duke pasur parasysh distancën me Kukësin dhe Teutën që mbajnë vendin e dytë dhe të 3-të, të 3 skuadrat që i pasojnë, pra Skënderbeu, Laçi dhe Flamurtari, mund të pretendojnë për një vend të 3-të në renditjen përfundimtare, pozicion që i çon në Ligën e Evropës.

Kategoria Superiore

Java e 25-të

Të shtunën:

Skënderbeu – Kukësi          1-0

Të dielën:

Laçi – Flamurtari                   0-0

Kastrioti – Tirana                   1-0

Partizai – Teuta                     (17:00)

Luftëtari – Kamza                  3-0 (në tavolinë)

Renditja

Nr.       Skuadra         N.        F.         B.        H.        Gsh-Gp          Pikë

1. Partizani        24        15          5          4        26-11              50
2. Kukësi            25        13          5          7        27-16              44
3. Teuta              24        10        10          4        30-19              40
4. Skënderbeu  25        11          4        10        27-23              37
5. Laçi                 25          9        10          6        20-19              37
6. Flamurtari      25          9          8          8        21-19              35
7. Tirana             25          7          8        10        28-26              29
8. Luftëtari         24          7          4        13        20-30              25
9. Kastrioti          25          7          3        15        22-41              24
10. Kamza 24          4          5        15        13-30              17