ASNN – Stiv Brus është njoftuar tashmë se nuk do të jetë më trajner i Njukasëllit dhe menjëherë mediat angleze kanë filluar të zbardhin listën me emrat e kandidatëve të mundshëm për të marrë drejtimin e skuadrës angleze. Numri 1 në listë duket se është Paulo Fonseka. Madje The Telegraph thekson se portugezi mund të përfitojë edhe pagën prej 7 milionë euro nëse do të marrë skuadrën.
Por mungesa e përvojës së tij në Premier Ligë luan kundër tij, një avantazh që kalon për te Roberto Martínezi. Por situata e trajnerit të kombëtares belge është më e ndërlikuar. Fonseka është pa punë tashmë, pas largimit nga Roma. Ai ka filluar bisedimet me Amanda Stejvlin, drejtuesen e Njukasëllit. Ai i ka lënë përshtypje të mira Stejvlit, si dhe vetë klubit.
Megjithatë asgjë nuk është bërë zyrtare nga klubi anglez. Dyshimet për përshtatjen e tij në Angli do të thotë se emra të tjera trajnerësh janë ende duke u shqyrtuar. Stivën Xherrard, Frenk Lampard, Brendan Roxhers, Rudi Garsía, etj. Lista e kandidatëve është e madhe e në të ka emra të mëdhenj, ndaj në Angli habiten që Fonseka është në krye të listës, edhe pse nuk është një trajner me famë të madhe ndërkombëtare.
