ASNN – Ka qenë pikërisht e përditshmja e mirënjohur sportive shqiptare, “Sport Ekspres”, e cila, vetëm dy ditë më parë, ka dhënë lajmin e para në lidhje me pallatin e sportit më modern, që do të ndërtohet në Shqipëri dhe që do të jetë pikërisht ai i Korçës.

Zv/kryeministri Niko Peleshi, vetëm dy ditë më parë, pati deklaruar që Qeveria tashmë ka miratuar shumën prej 5.6 milion dollarësh, e cila do të shkojë e gjitha për ndërtimin e këtij pallati sporti, që do të jetë shumëfunksional. Ky lajm është pritur më shumë se mirë nga të gjithë në juglindje.

Ndërkohë që, pas haberit të dhënë nga gazeta, Bashkia Korçë ka publikuar në faqen e saj zyrtare edhe projektin, ose e thënë ndryshe pamjet se si do të jetë nesër pas përfundimit ky pallat sporti. Ajo që është më e rëndësishme dhe që duhet përmendur është se muret e pallatit të sportit do të jenë me ndriçim nga brenda, njësoj siç është edhe “Allianz Arena”.

Ndërtimi i pallatit të sportit do të fillojë brenda këtyre muajve dhe në Korçë në fakt mezi e presin një gjë të tillë. E rëndësishme është që Shqipëria do të ketë pallatin e parë modern dhe sigurisht këtë fat do ta ketë qyteti juglindor. Por si është vendi ku do të ngrihet ky pallat sporti dhe si do të jetë?

Ja edhe pamjet që tregojnë ndryshimin e madh…