ASNN – Ishte shpresuar në një reagim pas largimit të trajnerit Bernard Shalondë e, për më tepër përballë një kundërshtari modest, por “Dardanët” janë mundur 2-0 nga Jordania në miqësoren e luajtur të mërkurën në Stadiumin “Fadil Vokrri”. Kosova e ka nisur vrullshëm sfidën, duke e kërkuar golin që në minutat e para, por pa rezultat. Skuadra mike arriti të t’i bëjë ballë kësaj trysnie dhe, në mundësinë e parë që iu krijua, arriti të gjejë rrugën e rrjetës.

Është pikërisht Baha Faisal, që në minutën e 18-të ka arritur të dërgojë topin në rrjetë. Një goditje për Dardanët, që, sidoqoftë, u përpoqën me të gjitha forcat për të arritur golin e barazimit, por pa mundur të shembin murin e kundërshtarit. Jordania arriti të gjejë dhe golin e dytë në këtë sfidë, pikërisht në minutën e 85-të me anë të Hamza al Daradreh, 2-0, që është dhe rezultati përfundimtarë i kësaj sfide.

Ndeshjen e radhës Kosova do e zhvillojë të dielën përballë Greqisë në Athinë, e vlefshme për Eliminatoret e Botërorit, “Katar 2022”. Dardanët bëjnë pjesë në Grupin B në këto eliminatore, bashkë me Suedinë, Spanjën, Greqinë dhe Gjeorgjinë. Dhe, në prag të ndeshjes së fundit, asaj me Greqinë, Kosova ndodhet në vendin e fundit të renditjes, me 4 pikë (1 fitore, 1 barazim dhe 5 humbje)