ASNN – Ja çfarë thuhet më konkretisht për notaren shqiptare: “Akoma vetëm një fëmijë, akoma pa mbushur 17 vjeç, Zheku është një kampione e padiskutueshme në 100 metra stil shpinë. Duke bërë një sezon të shkëlqyer, ajo ka habitur të gjithë edhe në stilin flutur.”

“Përveç fitimit të ligës ajo është pozicionuar në vendin e gjashtë në 200 metra stil individual dhe miks”, – shkruan më tej gazeta më e madhe në Boston, që vlerëson korçaren e notit.

“Ndër të tjerat, e veçanta për Zhekun është edhe thyerja e rekordit të shkollës në 500 metra stil të lirë me një kohë 35”53 dhe stil shpine me kohën 59”95, – vijon më tej gazeta në fjalë, që vlerëson korçaren e notit.

“Ajo gjithashtu mban rekordin për 200 metra stil flutur, – shkruhet në të. – Zheku është një notare me qëndrim të mirë dhe absolutisht me të dhëna të mëdha.” Jo vetëm kaq, por ajo është kthyer në një motivuese për notaret e tjera.

Kjo notare është çdo vit pjesëtare e skuadrës elitë të Krimson dhe është zgjedhur edhe kapitenia për vitin 2015.