ASNN – Me 9 nga 10 takimet e vlefshme për javën e 10-të në të dy grupet e saj, ka nisur sot faza e dytë e Kategorisë së Parë. Në Grupin A, apo Grupin e Veriut, Vllaznia kryesuese është rikthyer tek fitorja, duke mposhtur Korabin me rezultatin 2-1, në takimin e zhvilluar në Peshkopi. Golat e Gocajt dhe Gilman Likës i dhanë fitoren skuadrës shkodrane, të drejtuar nga trajneri Hasan Lika, që e sheh veten në kuotën e 25 pikëve.
Fitore të vyer mori edhe Erzeni i vendit të dytë, që ka mposhtur Ilirinë e Fushë-Krujës në fushën e kësaj të fundit, me rezultatin 0-1. Goli i Kandurit i dhuroi fitoren skuadrës shijakase, që nuk i ndahet Vllaznisë. Në takimet e tjera, Veleçiku barazoi pa gola ndaj Dinamos, ndërkohë që Burreli mposhti 1-0 Besëlidhjen. Sfida tjetër mes Vorës dhe Shënkollit u shoqërua nga tensioni.
4 minuta para fundit të ndeshjes, pati një përplasje mes lojtarëve të 2 skuadrave. Ndeshja u ndërpre për disa minuta, teksa gjyqtari kryesor u detyruar të nxjerrë me karton të kuq 3 futbollistë. Ndërkaq, janë luajtur edhe 4 nga takimet e vlefshme për javën e 10-të në grupin B dhe Lushnja ka fituar bindshëm, 3-0 në fushën e vet me Tomorin e Beratit.
Ndërsa i njëjti rezultat është regjistruar edhe në fushën e rivales myzeqare, Apolonisë, që ka mposhtur Turbinën e Cërrikut. Elbasani ka mposhtur Orikun në shtëpi me rezultat minimal, duke ringjallur shpresat e vendasve për mbijetesë. Takimi tjetër mes Bylisit dhe Egnatias ka përfunduar 2-0 në favor të ballshiotëve, që marrin përkohësisht kreun e renditjes. Të dielën pasdreke do të zhvillohet edhe sfida tjetër, ajo mes Besës dhe Pogradecit.
Kategoria e Parë
Grupi A
Java e 10-të
Të shtunën, 24 nëntor 2015:
Veleçiku i Koplikut – Dinamo 0-0
Burreli – Besëlidhja 1-0
Korabi – Vllaznia 1-2
Iliria e Fushë-Krujës – Erzeni 0-1
Vora – Shënkolli 1-0
Renditja
Nr. Skuadra N. F. B. H. Gsh-Gp Pikë
- Vllaznia 10 8 1 1 14-4 25
- Erzeni Shijak 10 7 0 3 17-8 21
- Dinamo 10 5 3 2 8-5 18
- Besëlidhja Lezhë 10 5 0 5 13-12 15
- Korabi Peshkopi 10 4 2 4 12-13 14
- Veleçiku Koplik 10 4 1 5 8-11 13
- Iliria Fushë-Krujë 10 3 3 4 12-10 12
- Shënkolli 10 3 2 5 10-13 11
- Burreli 10 3 0 7 7-15 9
- Vora 10 1 2 7 8-18 5
Grupi B
Java e 10-të
Të shtunën, 24 nëntor 2015:
Lushnja – Tomori 3-0
Elbasani – Oriku 1-0
Bylis – Egnatia 1-0
Apolonia-Turbina 3-0
Të dielën, 25 nëntor 2015:
Besa – Pogradeci (14:00)
Renditja
Nr. Skuadra N. F. B. H. Gsh-Gp Pikë
- Bylis 10 6 2 2 13-6 20
- Besa 9 6 2 1 11-4 20
- Egnatia Rrogozhinë 10 5 1 4 10-12 16
- Pogradeci 9 5 0 4 14-8 15
- Lushnja 10 3 5 2 9-6 14
- Oriku 10 3 5 2 9-6 14
- Apolonia 10 3 4 3 7-5 13
- Tomori 10 3 4 3 11-12 13
- Turbina Cërrik 10 1 2 7 6-18 5
- Elbasani 10 1 1 8 6-19 4
