ASNN – Kategoria Superiore e Kampionatit Kombëtar të Futbollit është gati për fazën e 4-t dhe të fundit ku do të vendosen verdiktet finale të sezonit 202302024. Në fundjavë do të luhen takimet e javës së 28-të.
Të shtunën do të zhvillohen 3 sfida. Ndeshja e parë është Erzeni-Laçi, e programuar për t’u luajtur duke nisur nga ora 14:00 në Stadiumin “Egnatia Arena” të Rrogozhinës. Në po të njëjtën ditë, duke nisur nga ora 17:00 do të zhvillohen dy takime.
Në Stadiumin “Niko Dovana” të Durrësit, Teuta do të përballet me Partizanin, ndërsa në të njëjtën kohë, në Korçë, Skënderbeu do të presë në stadiumin e vet Egnatian e vendit të parë.
Të dielën do të luhen dy ndeshjet e fundit të javë së 28-të. Duke nisur nga ora 14:00, Kukësi do të përballet në fushën e vet me Vllazninë. Takimi që do të ulë siparin e kësaj jave është Tirana-Dinamo City.
Kjo ndeshje do të luhet në stadiumin “Arena Kombëtare”, duke nisur nga ora 17:00.
