Megjithatë në pamje të parë, ky i Shpresave është një grup i vështirë. Dhe të paktënnë letër të vetmin kundërshtar që mund të lëmë pas është Lihtenshtejni. Ndonëse kemi ditur që me Hungarinë, siç dhe ka ndodhur edicionin e kaluar, që të bëjmë surprizën dhe të fitojmë atje, në fushë të huaj, madje 2-0. Por cili është bilanci jonë me skuadrat që do të kemi përballë? Me Greqinë numri i ndeshjeve është më i madh.

Bëhet fjalë për 10 takime, prej të cilave tanët kanë fituar një, janë barazuar 3 ndeshje dhe 7 të tjerat janë me fitoren e helenëve. Dhe golaverazhi i të gjitha ndeshjeve është 8-20. Fitorja e fundit mbetet ajo 2-1 e 30 viteve më parë në tetor 1985 në Berat. Me Portugalinë janë luajtur 4 ndeshje, 2 të barazuara dhe 2 të humbura me një golaverazh 6-10.

Historik është barazimi 1-1 në qershor 1997-tës, kur kombëtaren e drejtonte Sulejman Mema, por aq historik është dhe barazimi në “Qemal Stafa” 2-2 në kohën kur kuqezinjtë drejtoheshin nga i ndjeri Artan Bushati. Me Hungarinë i kemi të freskëta dy ndeshjet edicionit të kaluar, teksa jemi mundur në Durrës 1-2, por kemi fituar në tokën hungareze 2-0.

Me të vetmet që kombëtarja jonë e Nën-21-vjeçarëve nuk është ndeshur janë përfaqësueset e Izraelit dhe të Lihtenshtejnit. Sipas UEFA-s, edicioni i eliminatoreve nis më 23-31 mars të këtij viti.

Kalendari i Shqipërisë së Nën-21-vjeçarëve

në Eliminatoret e Evropianit 2017

30 mars 2015            Lihteshtejn – Shqipëri

3 shtator 2015           Shqipëri – Izrael

8 shtator 2015           Shqipëri – Portugali

13 tetor 2015             Hungari – Shqipëri

12 nëntor 2015         Portugali – Shqipëri

16 nëntor 2015         Shqipëri – Lihtenshtejn

24 mars 2016            Shqipëri – Greqi

28 mars 2016            Shqipëri – Hungari

2 shtator 2016           Greqi – Shqipëri

10 tetor 2016             Izrael – Shqipëri