ASNN – Kampionati Botëror i Nën-20-vjeçarëve, që u mbajt në Zelandën e Re, ka ulur të shtunën siparin, duke kurorëzuar Serbinë si fituese surprizë të kësaj veprimtarie. Finalja e së shtunës, e cila u zhvillua në kryeqytetin e Zelandës së Re, Ouklend, dhe u soll për sportdashësit, sikundër çdo veprimtari sportive nga Rrjeti i Radio-Televizionit Shqiptar, ka dhuruar emocione nga fillimi deri në fund, por serbët kanë triumfuar me rezultatin 2-1 dhe me një gol të shënuar pas afro 2 orë lojë.
Serbia është shpallur “kampione” e botës për Nën-20-vjeçarët, pasi mundi në finale Brazilin, duke triumfuar me rezultatin 2-1 dhe me një gol, të shënuar pas afro 2 orë lojë. Kjo finale, e cila u zhvillua në kryeqytetin e Zelandës së Re, Ouklend, dhe u soll për sportdashësit, sikundër çdo veprimtari sportive nga Rrjeti i Radio-Televizionit Shqiptar, ka dhuruar emocione nga fillimi deri në fund.
Pjesa e parë është mbyllur me rrjeta të paprekura, ndërsa në pjesën e dytë, ishin serbët ata që kaluan të parët në epërsi, kur Stanisha Mandiç përshëndeti rrjetën e portës braziliane në minutën e 70-të. Por gëzimi i ballkanasve do të ishte jetëshkurtër, pasi vetëm 3 minuta më pasi, Andreas Pereira shënoi për brazilianët, duke barazuar shifrat në 1-1.
Kjo barazi do të zgjasë deri në fund të 90 minutave të kohës së rregullt, duke bërë që gjithçka t’u drejtohet dy kohëve shtesë nga 15 minuta secila. Dhe pikërisht në minutën e 118-të, është Nemanja Maksimoviç ai që fikson fitoren e Serbisë me shifrat 2-1, duke shkruar njëkohësisht edhe emrin e vendit të tij në librin e artë të fituesve të kësaj veprimtarie botërore moshash.
