ASNN – Italianët fitojnë miqësore, por Lala s’i jep rëndësi rezultatit. Axurrët kanë humbur një 11-metërsh, ndërsa kanë fituar dhe me dhjetë lojtarë. Manaj dhe Kastrati më të mirët e kuqezinjve, por tanët janë të pafat. Në duelin e Nën-19-vjeçarëve, Italia ka mundur Shqipërinë në shifrat 1-2 në “Elbasan Arena”.
Miqtë janë treguar më të saktë në rastet që kanë pasur, duke dalë të fituar nga kjo miqësore. Për tanët mund të thuhen fjalët më të mira duke qenë se luajtën si të barabartë me italianët, të cilët duhet pohuar se kanë një emër shumë më të madh në arenën futbollistike.
Golin e vetëm të takimit për skuadrën që drejtohet nga Altin Lala e shënoi sulmuesi Manaj me anë të një 11-metëshi. Këtë takim e panë nga afër diku tek 2,500 tifozë, ku nuk munguan në tribunën VIP as Erjon Bogdani, apo Edvin Murati, ish-futbollistë të Kombëtares, dhe miq të Lalës.
Shqipëri – Itali 1-2
Shënues: Manaj 71’(11-m.) / Bifulko 25’, Dalmonte 78’
SHQIPËRIA: Kastrati, Krasniqi, Humolli, Llavdroci, Toli, Zenuni, Dinaj, Bare, Manaj, Karimani, Bakalli. Trajner: Altin Lala. U aktivizuan: Kolgeci, Morina, Xhaka, Thaçi, Muça, Binaj, Lalaj, Ivami.
ITALIA: Zakango, Viturini, Sobaki, Barela, Piaçentini, Romanja, Bifulko, Piki, Vasalo, Mineli, Feliçioli. Trajner: Paolo Vanoli. U aktivizuan: Audero, Favili, Edera, Dalmonte, Borgini, Gernoni
GJYQTARË: E. Jorgji, E. Gançi, R. Preça (Elbasan)
KARTONË TË VERDHË: Manaj / Barella
KARTON I KUQ: Audero
Minutat e golave:
25′ Bifulco godet si duhet brenda zonës së rreptësisë shqiptare, i pa shqetësuar nga mbrojtësit shqiptarë, ndonëse rreth tij kanë qenë katër fanella kuqezi, dhe ka shënuar në të majtë të portierit Kastrati. 0-1
71′ Manaj fiton një 11-metërsh, që e shndërron po vetë në gol. 1-1
78′ Dalmonte del i lirë në zonën shqiptare dhe i vetëm me portierin nuk gabon duke shënuar. 1-2
Minutat e rasteve të tjera:
8′ Krosim në zonë për italianët, kërcen më lart se të gjithë Viturini, por topi i goditur prej tij përfundon mbi tra
20′ Manaj ka një top të artë në këmbët e tij, por në fund shumë pranë zonës nuk godet dot portën kundërshtare
37′ Është sërish Manaj që shfaqet rrezikshëm, teksa nga jashtë zone godet duke vënë në provë portierin mik që grushton
67′ Manaj përfiton pas një rrëmuje në zonë, godet bukur, por topi ndalet nga shtylla
81′ Manaj del i vetëm me portierin mik, sheh daljen e tij dhe e godet sferën në formën e parabolës, por topi largohet me dorë nga jashtë zone dhe karton i kuq për portierit italiani.
