Sot në ora 16:00 në “Elbasan Arena”, Shqipëria e Nën-19-vjeçarëve do të jetë përballë bashkëmoshatarëve të Italisë, të cilët rikthehen në atë stadium pas gati 26 vjetësh. Kohë më parë, në pranverën e vitit 1989, pikërisht në stadiumin “Labinoti”, sot “Elbasan Arena” të rinjtë e Shqipërisë janë mundur nga të rinjtë e Italisë, 1-2, në një ndeshje të vlefshme për Eliminatoret e Evropianit.

Sot gjërat janë krejtësisht ndryshe, sepse thuajse janë një brez lojtarësh që nuk e kanë jetuar atë kohë, por mund të kenë dëgjuar, ndërsa në Elbasan kanë thjesht nostalgji vetëm sepse do të vijë Italia. Përtej kësaj, ashtu sikurse ishte lajmëruar dhe më parë, trajneri i Kombëtares së të rinjve të Shqipërisë, Altin Lala, së bashku me përgjegjësin e ekipeve përfaqësuese në institucionin më të lartë të futbollit shqiptar Redi Jupi.

Ky i fundit ka bërë dhe një prezantim të ekipit së të rinjve, të cilët janë të gjithë të datëlindjes 1997. Dhe si të tillë, teksa me Nën-17-vjeçarët kanë qenë me Xhemal Mustedanagiçin, duan kohë të përshtaten me atë që kërkon Lala sot tek të rinjtë. “Me datëlindjen 1996 ne kemi marrë pjesë në Eliminatoret e Kampionatit Evropian të Nën-19-vjeçarëve në Portugali dhe nuk arritëm të kualifikohemi”, – ka deklaruar Jupi.

“Sot është një brez i ri i datëlindjes 1997 dhe thuajse janë po ato lojtarë të cilët me Mustedanagiçin kanë qenë në Republikën Çeke, – ka vijuar përgjegjësi i ekipeve kombëtare në FSHF. – Në mars do të ketë dhe seleksionime të tjera, të cilat do të jenë dhe për kombëtaret e tjera, por që deri në nëntor kur të vijnë eliminatoret e ardhshme do të kemi mundësinë për krijimin e një grupi solid.”