ASNN – Kuqezinjtë e trajnerit Elvin Beqiri, përballë bashkëmoshatarëve boshnjakë më 13 dhe 15 gusht 2019 në Zenicë. Sipas njoftimit të botuar në faqen e saj në Internet, Federata Shqiptare e Futbollit njofton se më 13 dhe 15 gusht 2019, kuqezinjtë e Kombëtares së Nën-17-vjeçarëve do të përballen në një sfidë të dyfishtë miqësore me bashkëmoshatarët të tyre nga Bosnjë-Hercegovina. Kështu, Kombëtarja e Shqipërisë për grupmoshën e Nën-17-vjeçarëve në futboll, e cila drejtohet nga trajneri Elvin Beqiri, do të zhvillojë dy ndeshje miqësore përgjatë gushtit.
Sipas njoftimit të botuar në faqen e saj në Internet, Federata Shqiptare e Futbollit njofton se më 13 dhe 15 gusht 2019, kuqezinjtë e vegjël do të përballen në një sfidë të dyfishtë miqësore me bashkëmoshatarët të tyre nga Bosnjë-Hercegovina. Sipas njoftimit të organizmit që qeveris futbollin në vend, kuqezinjtë do të masin forcën e tyre përballë rivalëve ballkanas për të testuar dhe kolauduar skuadrën për eliminatoret e muajit nëntor, ku do të përballen me Ukrainën, Gjeorgjinë dhe Portugalinë që është pritëse e ndeshjeve të këtij grupi.
Sikundër Kombëtarja e Nën-19-vjeçarëve, edhe ajo e Nën-17 do të grumbullohet në qytetin e Shkodrës më datë 9 gusht 2019, ku do të zhvillojnë edhe seancat stërvitore përpara nisjes për në Bosnjë-Hercegovinë. Atje, kuqezinjtë e vegjël do të akomodohen në Zenicë, në Qendrën Stërvitore të Federatës Boshnjake të Futbolli. Në këtë kompleks do të zhvillohen edhe dy ndeshjet miqësore. Bosnjë-Hercegovina, ashtu si edhe skuadra e Elvin Beqirit është duke u përgatitur për fazën eliminatore të muajit nëntor ku do të përballet si kokë grupi me Republikën Çeke, Finlandën dhe Moldavinë.
Ndeshja e parë e kuqezinjve me boshnjakët do të luhet më 13 gusht 2019, duke nisur nga ora 17:00, kurse ndeshja e dytë, më 15 gusht paradite, duke nisur nga ora 10:00. Për këto dy ndeshje miqësore do të vëzhgohen lojtarë të datëlindjes 2003, që luajnë në Shqipëri por dhe elementë që vijnë nga jashtë. Këto data nuk janë data zyrtare nga FIFA për ndeshje miqësore dhe jo të gjithë lojtarët kanë miratimin e klubeve përkatëse për t’u bashkuar me kuqezinjtë.
