ASNN – Ekipi kombëtar i Nën-17-vjeçarëve të Shqipërisë, do të marrë pjesë në një turne miqësor që do të zhvillohet në Itali. Nga data 19, deri më 23 maj 2015, kuqezinjtë e drejtuar nga trajneri Xhemal Mustedanagiç do të jenë të impenjuar në turneun ndërkombëtar në Fiugi të Italisë.
Shqipëria e Nën-17-vjeçarëve është përfshirë në grupin D, të këtij turneu së bashku me Italinë B, Frosinonen dhe “Soccer Team” Fasano. Skuadra shqiptare do të grumbullohet të enjten, më datë 14 maj në resortin “Tropikal” në Durrës dhe do të niset për në Itali më
datë 19 maj.
Kalendari i ndeshjeve të Kombëtares së Nën-17-vjeçarëve është si vijon: Më 19 maj, Shqipëri-Soccer Team Fasano, më 20 maj, Shqipëri-Frosinone, dhe më 21 maj 2015, Shqipëri-Italia B. Për këtë turne ndërkombëtar, trajneri Mustedanagiç ka thirrur 20 futbollistë.
