ASNN – Turneu “UEFA Development U-16”, Kombëtarja shqiptare zbret në fushë, publikohet lista. Federata Shqiptare e Futbollit (FSHF) po bën përgatitjet e fundit për të pritur ndeshjet e turneut “UEFA Development” për Nën-16-vjeçarët, që do të zhvillohet në Shqipëri nga data 9, deri më 14 prill 2022. Siç është bërë e ditur tashmë, përveç Shqipërisë, në këtë turne do të marrin pjesë edhe përfaqësueset e kësaj grupmoshe të Irlandës së Veriut, Perusë dhe Luksemburgut, teksa të gjitha ndeshjet do të zhvillohen në Qendrën Sportive të Ekipeve Kombëtare në Kamëz.
Kombëtarja shqiptare e Nën-16-vjeçarëve do të nisë të hënën grumbullimin në kompleksin stërvitor në Durrës, ku do të zhvillojë edhe seancat stërvitore, teksa trajneri Ervin Bulku ka bërë publike edhe listën me emrat e 23 lojtarëve të ftuar për këtë veprimtari të rëndësishme për moshat. Pjesa më e madhe e futbollistëve të përzgjedhur nga stafi teknik aktivizohen në klubet shqiptare, me vetëm 6 lojtarë që vijnë nga klube të huaja. Bëhet fjalë për futbollistë të cilët kanë qenë pjesë e ekipeve kombëtare të moshave.
Ata janë testuar vazhdimisht gjatë kësaj periudhe në përzgjedhjet dhe grumbullimet e shumta të ekipeve kombëtare. Turneu do të nisë më 9 prill 2022, ku ndeshja e parë do të jetë Shqipëri-Irlandë e Veriut, me sfidën që nis nga ora 11:00. Po në të njëjtën ditë do të luajë edhe Luksemburgu kundër Perusë, në orën 14:00. Ndeshjet e dyta të turneut luhen më 11 prill, me Shqipëri-Peru që nis në orën 11:00 dhe Irlandë e Veriut-Luksemburg, në orën 14:00. Ndeshjet e fundit në grup luhen në datë 14 prill 2022, me Shqipëri-Luksemburg në orën 11:00 dhe Peru-Irlandë e Veriut në orën 13:00.
Më poshtë kalendari i Turneut “UEFA Development” si
edhe lista e Kombëtares shqiptare të Nën-16-vjeçarëve:
Turneu “UEFA Development
(Nën-16-vjeçarët)
9 prill 2022:
Shqipëri – Irlanda e Veriut (11:00)
Luksemburg – Peru (14:00)
11 prill 2022:
Shqipëri – Peru (11:00)
Irlanda e Veriut – Luksemburg (14:00)
14 prill 2022:
Shqipëri – Luksemburg (10:00)
Peru – Irlandë e Veriut (13:00)
