Presidenti i Federatës Shqiptare të Ndeshjeve të Lira, Arjan Rizaj, ka dhe thirrje për sportistët pjesëmarrës në këtë kampionat kombëtar i këtij sporti, i quajtur ndryshe si “Gladiatori 5”. “Jeni pjesëmarrës në “Gladiatori 5”, sepse e ndjeni veten shumë të motivuar si sportistë dhe ju pëlqen të luftoni dhe argëtoheni në disiplinën MMA, – ka sqaruar kreu i organizmit që qeveris këtë sport luftarak në Shqipëri. – Keni dëshirë të tregoni që ata qindra që na ndjekin, pse jo të bëhen pjesë aktive, duke marrë si shembull vullnetin e secilit sportist.”
“Ndaj pjesëmarrja është një mundësi për t’u rritur më tepër! – ka vijuar ai. – Ju tregoni sportivitetin, kulturën qytetare, sakrificën që keni arritur deri këtu dhe vlerat tuaja si shenjë “fair-play” për rivalin që keni në përballje. Pasi ju do të ndesheni si luftëtarët e MMA-së në botë dhe Gladiatorë të vërtet, ambasador të sportit burrëror, që koha moderne po përjeton emocione dhe rrjedhimisht masivizimin global të këtij sporti. Besoj se nuk do të mërziteni për një humbje, apo të gëzoheni për një fitore, sepse keni statusin e sportistit dhe që do të ndesheni.”
“E në këtë rast jeni të gjithë fitues. Jam i sigurt se “Gladiatori 5” do të jetë për spektatorin një moment argëtues dhe me emocione. Përgatitja juaj i shërben masivizimit të këtij sporti, si dhe përgatitjes për pjesëmarrjen në aktivitetet ndërkombëtare”, – ka përfunduar Rizai, ndërsa duhet theksuar se në tetor të vitit të kaluar, në Pallatin e Sportit “Asllan Rusi”, është zhvilluar dhe Kampionati Botëror i Ndeshjeve të Lira. Pra Shqipëria ka kapacitete dhe për këto lloje sporti, që janë pjesë e arteve marciale.
Kampionati Kombëtar i Ndeshjeve të Lira
“Gladiatori 5”
Programi i ndeshjeve:
Grupmosha 14-16 vjeç
(peshat 52, 55, 59, 63, 76, 80 kg, tre raunde nga dy minuta)
Denis Kapllani – Isuf Bylyku
Enis Ajdini – Kristian Bakalli
Nikola Pitarelo – Bjorn Rustemi
Grupmosha 16-18 vjeç
(pesha 63, 66, 70, 73 kg, tre raunde nga dy minuta)
Eljo Elezaj – Franko Turku
Gabriel Ranxha – Enea Taipi
Klajdi Çaushi – Elton Dunisha
Enis Kurdiu – Idri Hoxha
Grupmosha +18 vjeç
(pesha 62, 66, 59, 63, 70, 74, 76, 80, 90, +95 kg, tre raunde me nga tre minuta)
Hyqmet Lushi – Renato Dragoti
Rigles Dervishi – Markelian Turku
Kevin Osmanaj – Nazif Baiti
Elvis Jakupi – Eris Plasari
Napolon Tokrri – Klajdi Metani
Ndeshja kryesore e mbrëmjes
Kol Ndreca (Itali) – Kevin Voci (Shqipëri)
Shënim: Në K1, Julian Qallia, Albert Hoxha, Majkëll Kalemi dhe Arben Hysa janë në pritje të kundërshtarit, ndërsa është mundësia e pjesëmarrjes dhe të luftëtarëve të kikboksit në peshat 59, 63, 69, 71 kg.
