ASNN – Për vitin e dytë radhazi, Golden Stejt fiton titullin “kampion” në basketbollin amerikan. “Uorriërs” janë të papërmbajtshëm dhe mbyllin pastër serinë e finaleve, 4-0 ndaj Klivlend Kavalirs me një fitore mahnitëse 108-85 në ndeshjen e katërt në parketin e rivalëve.
Për Golden Stejt, ky është triumfi i 3-të në 4 vitet e fundit dhe i 6-ti gjithsej në histori. Por ndeshja e katërt është pa histori, pasi Golden Stejti e dominon që nga fillimi, ndërsa koshi duket më i madh se herët e tjera. Një sukses që padyshim ka firmën e Stivën Kerrit, që realizon 37 pikë.
Lojtari më i mirë i finales është Kevin Durant, i cili, në takimin e katërt regjistroi dopio trepikësha, 20 pikë të shënuar, 12 topa të zotëruar në tabelë dhe 10 pasime të sakta në sulm). Nga ana tjetër, LeBron Xhejms shënon 23 pikë, por kjo nuk mjafton për të shmangur kapitullimin në 4 ndeshje në finale.
