ASNN – Naftëtari kërkon surprizën në ndeshjen e parë të fazës së tretë, teksa do të jetë përballë Lushnjës në fushën e kësaj të fundit, në ndeshjen që do të luhet në ora 15:00 në “Roza Haxhiu”.
Kuçovarët janë duke kaluar një formë të mirë, edhe pse janë në vendin e fundit në grupin e Jugut me vetëm 17 pikë. Duke qenë se Luftëtari ka 18 pikë, Shkumbini 19 pikë, apo dhe Tomori, Pogradeci e Dinamo 22 pikë, atëherë Naftëtari nuk ka hequr dorë nga mbijetesa.
Në të tilla kushte, edhe duke qenë ndeshja e parë e fazës së tretë, Naftëtari e luan mbijetesën e saj në Lushnjë dhe kërkon surprizën.
