ASNN – Shqipëria është renditur e dyta në Turneun e 9-të Ndërkombëtar të Mundjes “Adem Jashari”, që u zhvillua të shtunën në Prizren në stilin e lirë. Ky turne, sipas asaj që ka kumtuar për mediat Sekretari i përgjithshëm të Federatës Shqiptare të Mundjes, Ndriçim Spahiu, ka qenë i parashikuar në kalendarin e veprimtarive për vitin 2016.

Në këtë Turneun Ndërkombëtar të tapetit, përveç Shqipërisë dhe Kosovës, e cila ishte organizatore e veprimtarisë, kanë marrë pjesë dhe Maqedonia, Bullgaria, Serbia dhe Qiproja Veriore. Ndërkohë delegacioni shqiptar është shoqëruar nga presidenti i Federatës Shqiptare të Mundjes, Martin Biba, si dhe sekretari i përgjithshëm Ndriçim Spahiu.

Trajnerë të ekipit kombëtar ishin Sami Elezi dhe Olsi Cenaj, ndërsa në Kupën “Adem Jashari” kanë gjykuar edhe Gani Gegolli dhe Kujtim Kovaçi. Jo vetëm kaq, por Shqipëria ka pasur dhe 3 vende të para me Qamil Bajramin, Edon Gashin dhe Egzon Shalën.

Kupa “Adem Jashari” 2016 – Mundje

Rezultatet teknike të stilit të lirë:

Meshkuj:

Pesha 50 kg  Drilon Syla (Kosovë)

Pesha 57 kg  Kastriot Sedolli (Kosovë)

Pesha 61 kg  Elmedin Sejfullahu (Maqedoni)

Pesha 65 kg  Veseli Petrov (Bullgari)

Pesha 70 kg  Behar Mahmuti (Maqedoni)

Pesha 74 kg  Qamil Bajrami (Shqipëri)

Pesha 86 kg  Miroslav Ivanov (Bullgari)

Pesha 97 kg  Edon Shala (Shqipëri)

Pesha 125 kg           Egzon Shala (Shqipëri)

Mundësi më i mirë: Drilon Syla (Kosovë)

Mundësi më i mirë i huaj: Miroslav Ivanov (Bullgari)

Mundësi më teknik: Elmedin Sejfullahu (Maqedoni)

Si ekip: Kosova

Femra:

Pesha 42 kg  Njomeza Krasniqi (Kosovë)

Pesha 47 kg  Elvira Krasniqi (Kosovë)

Pesha 52 kg  Diellza Gashi (Kosovë)