ASNN – Ballkaniada e të rinjve mobilizon kuqezinjtë, Federate projekton katër kampionë. Nga data 1, deri më 4 nëntor 2018, në kryeqytetin e Shqipërisë, Tiranë, do të zhvillohet Kampionati Ballkanik i Mundjes për Të Rinj.

Referuar informacioneve nga Federata Shqiptare e Mundjes, në këtë veprimtari do të marrin pjesë 13 shtete, pra të gjitha vendet e Ballkanit, duke nisur me Slloveninë, Kroacinë, Bosnjë-Hercegovinën, Serbinë, Maqedoninë, Malin e Zi, Bullgarinë, Rumaninë, Moldavinë, Turqinë, Greqinë dhe padyshim dy shtetet shqiptare në rajon, Shqipëria dhe Kosova.

Veprimtaria do të zhvillohet në pallatin e sportit “Asllan Rusi” dhe Shqipëria do të marrë pjesë me 21 sportistë cilësorë, 19 meshkuj e dy femra. Dy vajzat janë Tea Sulo që do të garojë në 57 kg, si dhe Anxhela Imeraj që do të garojë në 59 kg.

Ambiciet e Federatës tonë janë që Shqipëria të fitojë të paktën katër medalje ari në këtë aktivitet, ose më saktë 4 kampionë Ballkani, dy nga stili i lirë e dy nga stili klasik (greko-romak). Për ekipin kuqezi drejtojnë trajnerët Ermal Kryeziu në stilin e lirë dhe Altin Bulku në stilin klasik.

Deri tani, Turqia ka konfirmuar pjesëmarrjen me një ekip të plotë dhe turqit janë pretendentët kryesorë për numrin më të madh të medaljeve, por mundës të fortë ka dhe Bullgaria e Greqia. Në listën e mëposhtme jepen sportistët e Kombëtares kuqezi që marrin pjesë në këtë veprimtari.

Shqipëria në Kampionatin Ballkanik të Mundjes për të Rinj

Stili i lirë:

57 kg  Oltjan Bardhi

61 kg  Emanuel Çekrezi

65 kg  Eriglent Prizreni

70 kg  Elmaz kryeziu

70 kg  Sure Vrioni

74 kg  Orgist Dauti

74 kg  Ordist Lila

86 kg Hans Mara

92 kg  Emiljano Onuzi

125 kg            Paris Karepi

Stili klasik:

55 kg  Bajram Sina

60 kg  Tedi Llanaj

60 kg  Julian Shehi

63 kg  Flegert Voci

67 kg  Kevi Kupi

72 kg  Ardit Ndoi

77 kg  Uendi Nuriu

97 kg Kevi Ballabani

105 kg            Dorian Mirukaj

Femra:

57 kg  Tea Sulo

59 kg Anxhela Imeraj