Federata Shqiptare e Mundjes aktivitetin e saj të parë për vitin 2015 do ta mbajë më 28 mars 2015.

Bëhet fjalë për turneun mbarëkombëtar, i cili do të zhvillohet në Pallatin e Sportit “Asllan Rusi”, ndërsa pritet të ketë shumë konkurrencë, sepse do të ketë dhe nga Kosova, Maqedonia e Mali i Zi.

E thënë ndryshe do të ketë pjesëmarrje nga të gjitha trevat shqipfolëse, sepse këtë kuptim ka dhe mbarëkombëtari, i cili do të jetë në të dy stilet, klasike dhe të lirë.

Vitin e kaluar një veprimtari e tillë ka ngjallur shumë interesim, ndërsa një gjë e tillë pritet të ndodhë dhe tani.