ASNN – Spanjolli i “Jamaha”-s reflekton mbi rrëzimin për herë të dytë këtë sezon. Në fillim ishte Argjentina, pastaj erdhi Franca. Për pilotin spanjoll të “Jamaha”-s, Maverik Vinjales, u godit, për herë të dytë këtë sezon, nga një tjetër pilot, gabimi i vërtetë u bë që të shtunën pasdite, që në provat zyrtare të Çmimin e Madh të Francës në La Mansh. Maverik Vinjalesi u godit, për herë të dytë këtë sezon, nga një tjetër pilot, por për spanjollin, gabimi i vërtetë u bë që të shtunën pasdite.
Në fillim ishte Argjentina, pastaj erdhi Franca. Piloti i “Jamaha”-s nuk ka qenë edhe aq me fat këtë sezon, pasi së fundmi ishte një përplasje me Françesko Banjajas e “Pramak”-ut në Çmimin e Madh të Francës në La Mansh, e cila erdhi pas asaj me Franko Morbidelin e “Jamaha”-s kliente në pistën argjentinase të Termas de Rio Hondo. Sikur t’i kishte mbyllur këto dy gara, është e sigurt se Vinjalesi nuk do të ishte në vendin e 10-të të renditjes së pilotëve.
Por edhe me një hendek prej plot 65 pikësh që e ndan nga kryesuesi aktual dhe kampioni në fuqi, Mark Markezi. Në fakt, Çmimi i Madh i Francës po shkonte mirë, sidomos pasi kishte siguruar një vend të 3-të në provat e lira, por gjithçka shkoi keq më pas në provat zyrtare. “Të them të drejtën, nuk mund të bëja asgjë, – thotë piloti spanjoll, duke i referuar incidentit në kthesën e 12-të me Banjajan. “Po në atë çast, unë po përpiqesha të parakaloja Aleiks Espargaronë”, – shtoi 24-vjeçari.
Ai e pranon se ai dhe skuadra e tij gabuan me strategjinë e zgjedhur në seancën e dytë të provave zyrtare, edhe pse ishin favoritë të fundjavës, duke u detyruar të kënaqeshin me nisjen nga veni i 11-të. “Sidoqoftë, unë mendoj se është e rëndësishme që të kuptojmë se në fundjavë, gabimi u bë të shtunën, ku ne, që të jem i sinqertë, gabuam me strategjinë e zgjedhur, – vijoi piloti spanjoll i “Jamaha”-s. – Pastaj, kur e fillon garën nga vendi i 11-të, dihet se çfarë mund të presësh.”
“Kështu që ne duhet të vazhdojmë të punojmë dhe t’i kuptojmë gjërat, të shohim sesi e nisëm fundjavën shkëlqyeshëm dhe e mbyllëm me 0 pikë. Prandaj duhet të kuptojmë dhe të nxjerrim mësime. Ne duhet të bëjmë kujdes në provat zyrtare, aty ku synimi duhet të jetë radha e parë ose e dytë e nisjes, dhe shpresoj që në garat e ardhshme të mos i përsërisim më këto gabime”, – përfundoi piloti spanjoll i “Jamaha”-s, Maverik Vinjales.
