ASNN – Ende nuk ka një deklaratë zyrtare nga ana e Federatës Ndërkombëtare të Motorave, por edhe kundëranaliza apo kampioni B, e urinës së Andrea Janones, ka rezultuar pozitive me doping. Kjo vërteton edhe njëherë pozitivitetin e tij me doping në kontrollin e zhvilluar në Çmimin e Madh të Malajzisë vitin e kaluar.
Sipas asaj që shkuan Gazzetta dello Sport, Drostonolone, një steroid androgjen anabolizant, ka qenë në sasi shumë të ulët, e kjo le të hapur mundësinë e ndonjë kontaminimi nga ushqimi, konkretisht nga mishi i ngrënë në Azi. Kjo është ajo që parashtron mbrojtja e pilotit të “Aprilia”-s.
“Kundëranaliza kishte në përbërje të paktën 1,150 nanogram për mililitër, sasi kjo e vogël, po të mendosh që piloti ka qenë në Azi prej më shumë se një muaji dhe testi u bë menjëherë pas garës, dhe relativisht kampionët e urinës kanë qenë shumë të dendur, gati, 1,024, për shkak të dehidratimit nga gara”, – ka thënë De Rensis, përfaqësuesi ligjor i Iannone për Gazzetta dello Sport.
Tashmë Komisioni i Disiplinës brenda 45 ditëve duhet të marrë një vendim për pilotin italian. Dënimi do të jetë shumë i rëndë e mund të shkojë deri në 4 vite skualifikim. E më pas, nëse Janone do të vendosë të apelojë, çështja do të shkojë në Gjykatën e Arbitrazhit Sportiv në Lozanë.
