ASNN – Gara e Spanjës në Moto GP ndryshon emrin e saj dhe do të quhet Çmimi i Madh i Andaluzisë. Ky është për të emri i 10-të i ndryshuar në histori. “Dorna Sports” ka vendosur që të zhvillojë disa gara në Spanjë, në 3 qytete të ndryshme, për të shpëtuar Botërorin e 2020-ës. Kështu, pra, deri më tani, gara e Spanjës, është quajtur, Çmimi i Madh i Aragonës, i Katalonjës, i Valencias, Komuniteti i Madridit, Çmimi i Madh Evropian apo edhe “Expo 92”.

Të gjitha këto gara të zhvilluara në tokën spanjolle. Por kompania që zotëron të drejtat e organizimit të Moto GP-së, “Dorna Sports” tashmë ka njoftuar, pas marrëveshjes së saj me Qeverinë Andaluziane dhe Këshillin e Qytetit në Herez, që Çmimi i Madh i Andaluzisë do të jetë emri i ri, i garës spanjolle. Ky është emri i 10-të në histori, që i vihet Çmimit të Madh të Spanjës. Në pistën “Anhel Nieto” janë planifikuar të zhvillohen dy gara radhazi, që nisin më 26 korrik 2020.

Kreu i “Dorna Sports”, Karmelo Ezpeleta ka planifikuar që në Spanjë të zhvillohen gara edhe në Alkanjiz dhe Çeste, gjithnjë në varësi të ecurisë së epidemisë së virusit korona. Sigurisht, të gjitha do të jenë gara që do të zhvillohen me dyer të mbyllura, pra, pa tifozë. Madje, nuk është për t’u habitur që Kampionati Botëror i Moto GP-së është menduar të bëhet kryesisht në Spanjë, në përpjekje për të shpëtuar sezonin më të ndërlikuar në mënyrë logjistike në historinë e tij.

Në mesin e parantezave të Herez, Alkanjizut dhe Çestes, plus Montmelósë, është menduar që të ketë 7 Çmime të mëdha në Spanjë, nëse autoritetet shëndetësore miratojnë protokollin e sigurisë me të cilin po punon ende “Dorna Sports”. Nuk ka asnjë vend tjetër në botë, në të cilin janë zhvilluar gara aq të bukura sa në Spanjë. Që prej fillimit të Kupës së Botës në Moto GP, në Spanjë janë zhvilluar 421 gara. E dyta në listë është Italia, me 416 garat e saj.