ASNN – Mbizotërojnë në provat e lira të Çmimit të Madh të SHBA-së, provat zyrtare, sonte në RTSH Sport. Janë zhvilluar të premten dy seancat e para të provave të lira të Çmimit të Madh të Shteteve të Bashkuara të Amerikës në Moto GP, me Mark Markezin dhe Xhek Millerin që i ndanë vetëm 15 mijëtat e sekondës nga njëra-tjetri. Ndërsa provave zyrtare zhvillohen sonte e do të vijnë për sportdashësit drejtpërdrejt në Rrjetin e Radio-Televizionit Shqiptar, në kanalin RTSH Sport, duke nisur nga ora 20:30.

Dy të parët në pistë të lagur, dy të parët në pistë të thatë. “Honda” dhe “Dukati” mbizëtoruan 10-shen e të parëve në dy seancat e para të provave të lira të Çmimit të Madh të Shteteve të Bashkuara të Amerikës, me Mark Markezin dhe Xhek Millerin që ishin në kuptimin e vërtetë të fjalës, “rrotë më rrotë”. Koha prej  2 minutash, 4 sekondash e 164 të mijëtat e Markezit ishte vetëm 15 të mijëtat më e shpejtë sesa ajo e australianit, ndërsa pas tyre, më i shpejti ishte kryesuesi i renditjes së përgjithshme të pilotëve, Fabio Kuartararo i “Jamaha”-s zyrtare.

Në fakt, me kapriçot e motit që kanë përcaktuar shumëçka sa i përket ecurisë së këtyre dy seanca të para të provave të lira në pistën e Ostinin në Teksas, ka qenë 6-herë fituesi i kësaj gare, Mark Markez, i mbiquajtur me përkëdheli edhe si “Captain America”, ai që i dha tonin të premtes, duke vendosur që në fillim kohët më të shpejta. Ndonëse renditja e këtyre dy seancave ndryshoi shpesh emër në krye të saj, gjithçka u vendos në fund, kur Kuartararo ishte më i shpejti, por Markez u rikthye, duke regjistruar kohën më të shpejtë.

Por dhe duke e mbajtur vendin e parë, pavarsisht sulmit të fundit të Xhek Millerit. Australiani ishte vetëm 15 të mijëtat më i ngadalë sesa spanjolli, ndërsa francezi ishte 202 të mijëtat e sekondës prapa. Këto dy seanca të para të provave të lira mund të rezultojnë vendimtare, pasi parashikimi i motit nuk e përjashton anulimin e dy seancave të tjera gjatë ditës së të dielës, dhe pilotët do t’u drejtohen provave zyrtare të mbrëmjes, që do të vijnë për sportdashësit drejtpërdrejt në Rrjetin e Radio-Televizionit Shqiptar, në kanalin RTSH Sport.

Çmimi i Madh i Shteteve të Bashkuara të Amerikës

Moto GP – Provat e Lira (Seanca 1 dhe 2)

10 kohët më të mira:

Nr.       Piloti                           Skuadra                                 Koha

1. Mark Markez             (Repsol Honda Team)         2:04.164
2. Jack Miller                 (Ducati Lenovo Team)          + 0.015
3. Fabio Kuartararo      (Monster Energy Yamaha)   + 0.202
4. Pol Espargaro           (Repsol Honda Team)           + 0.388
5. Taka’aki Nakagami  (LCR Honda Idemitsu)          + 0.448
6. Françesko Banjaja   (Ducati Lenovo Team)          + 0.499
7. Horhe Martin             (Pramac Racing)                   + 0.513
8. Johan Zarko             (Pramac Racing)                   + 0.559
9. Aleks Rins                 (Team Suzuki Ecstar)           + 0.638
10. Enea Bastianini (Avintia Esponsorama)        + 0.672