ASNN – Kampioni i botës ende i pakënaqur me ecurinë, përtej formës së tij fizike. Mark Markezi e pranoi se kishte disa aspekte të motorit të ri “Honda” që nuk e kishin bindur dhe se ishte më i shqetësuar për gjendjen e motorit, sesa për atë të trupit të tij. Me vetëm 3 ditë të tjera testesh të mbetura para se sezoni i ri i garave në Moto GP të ngrejë siparin në fillim të muajit të ardhshëm në Katar, piloti spanjoll është i pakënaqur me atë të ka parë.
Kampioni në fuqi i botës në Moto GP, Mark Markez, e pranon se ai është më i shqetësuar për motorin sesa për gjendjen e tij fizike gjatë periudhës së parë të testeve parasezonale, të zhvilluara në Malajzi. Piloti i “Honda”-s pati një dëmtim në shpatull në një rrëzim në Çmimin e Madh të Malajzisë vitin e shkuar, dëmtim të cilin e përkeqësoi gjatë një rrëzimi gjatë testeve në Herez në nëntor dhe u detyrua t’i nënshtrohej një ndërhyrjeje kirurgjikale.
Kjo e ka lënë atë prapa sa i përket formës fizike dhe kjo u vërejt edhe në pistën e Sëpangut dhe piloti spanjoll e pranoi se ishte më keq se ç’e kishte pritur. Me vetëm 3 ditë të tjera testesh të mbetura para se sezoni i ri i garave në Moto GP të ngrejë siparin në fillim të muajit të ardhshëm në Katar, Markezi e pranoi se kishte disa aspekte të motorit të ri “Honda” që nuk e kishin bindur dhe se ishte më i shqetësuar për gjendjen e motorit, sesa për atë të trupit të tij.
“Sa i përket gjendjes fizike, natyrisht do të dëshiroja të isha më mirë dhe gjatë këtyre 3 ditëve kam parë që nuk kam qenë aq mirë dhe aq shpejt sa do të dëshiroja”, – tha kampioni i botës, duke vijuar: “Por jam më i shqetësuar për aspektin teknik. Duhet të vazhdojmë të punojmë, sepse nuk jemi ende të qartë për disa gjëra të reja që po provojmë. Disa prej tyre janë përmirësuar, por duhet të jemi shumë më mirë, sepse rivalët tanë, si “Jamaha”, janë përmirësuar ndjeshëm”, – ka përfunduar piloti kryesor i “Honda”-s zyrtare, Mark Markez.
