ASNN – Piloti i “Dukatit”, Horhe Lorenco, shtangu botën e Moto GP-së në qershor, kur u bë e ditur se ai do t’i bashkohet Mark Markezit tek skuadra zyrtare e “Hondas” për dyvjeçarin 2019-2020. Dhe të mërkurën në mbrëmje, ai e ka pranuar se është mirënjohës që rivali dhe bashkatdhetari spanjoll nuk e pengoi kalimin e tij në 2019-ën tek skuadra japoneze. Kështu, Horhe Lorenco e ka pranuar se ai është mirënjohës që rivali i tij në Moto GP, Mark Markez, që nuk e pengoi kalimin e tij në 2019-ën tek “Honda”.
Piloti i “Dukatit” shtangu botën e Moto GP-së në qershor, kur u bë e ditur se ai do t’i bashkohet Markezit tek skuadra zyrtare e “Hondas” për dyvjeçarin 2019-2020, duke zëvendësuar Dani Pedrozën, që do të tërhiqet nga garimi. Kur Në nfillim u duk se Lorenco po përballej me mungesë zgjedhjesh për të mbetur në Moto GP, pasi “Dukati” vendosi të mos e rinovonte bashkëpunimin me të, përpara se në lojë të hynte skuadra japoneze. Por, duke folur për mediat, Lorenco tha se ai ia kishte borxh këtë mundësi shokut të tij të ardhshëm të skuadrës, i cili nuk zgjodhi ta bllokonte këtë lëvizje.
“Për mua, kjo do të thotë se Markezi ka besim tek vetja dhe se nuk dëshiron të tregojë shenja dobësie”, – ka deklaruar piloti spanjoll, duke folur për bashkëatdhetarin e tij. – Por unë ia atribuoj atij mundësinë që munda të firmos me “Hondan” dhe i jam shumë mirënjohës, sepse, në atë periudhë, unë po përballesha me një situatë të vështirë.” Por Lorenco e hodhi poshtë mundësinë se mund të kishte përfunduar në skuadrat periferike të Moto GP-së, nëse Markezi do të kishte vënë veton për këtë lëvizje.
“Kam patur mundësi të tjera, madje të mira, por në atë periudhë jam ndjerë shumë mirë, siç dëshmuan edhe garat që vijuan, dhe do të kishte qenë për të të ardhur keq nëse do të isha larguar në ato rrethana”, – tha piloti i “Dukatit”. Sezoni i dytë i Lorencos me “Dukatin” nisi dobët, çka çoi në vendimin e skuadrës italiane për ta larguar, por ai vijoi të fitonte 3 gara, në Muxhelo, në Barcelonë dhe në Austri, përpara se të vuante pasojat e një aksidenti në Mizano, më pas në Aragon dhe të tërhiqej në Tajlandë.
