ASNN – Joan Mir nuk beson se mund të përmbysë diferencën prej 65 pikësh me francezin. Moto GP-ja u ka mësuar një gjë të gjithë pilotëve pjesëmarrës: Atë që gara mbaron vetëm kur fillon të valëvitet flamuri me kuadrate të bardhë e të zinj. Por llogaritë, pilotët vazhdojnë t’i bëjnë, përderisa matematika u jep rrugë ëndrrave, të gjithë mund të besojnë në gjithçka.

Kështu e mendon të paktën Joan Miri. Spanjolli po lufton për të mbrojtur statusin e tij si “kampion bote”, por ai e ka gjetur veten një rivali të papëlqyeshëm, si Fabio Quartararo, i cili tashmë është në kërkim të titullit të tij të parë botëror. Tani francezi ndodhet 65 pikë larg pilotit të “Suzuki”-t, dhe duhet vetëm të dijë si të menaxhojë 6 garat e fundit të sezonit për ta mbyllur në krye të tij.

Fundi po afrohet gjithnjë e më shumë dhe në nivelin më të lartë të Kampionatit Botërori të Motoçiklizmit, Moto GP, kanë mbetur në lojë vetëm 150 pikë. Sidoqoftë, përkundër diferencës me kryesuesin, Joan Miri e kupton se ka pak mundësi për të rifituar titullin. “Kampionati Botëror është i ndërlikuar, por nuk ka përfunduar, përndryshe nuk do të shkoja në garën tjetër”, – ka këmbëngulur spanjolli.

“Unë do të fitoj dhe do të jap më të mirën time. Ka ende shumë gara, gjithçka mund të ndodhë dhe mbyllja e një kampionati është shumë e ndërlikuar”, – përfundon piloti i “Suzuki”-t, me përvojën e të diturit se sa kushton për të arritur një sukses që mbahet mend përgjithmonë. Por, nga përvoja e deritanishme, askush nuk ka arritur të përmbysë diferenca të tilla pikësh.