ASNN – Mishel Platini do të drejtojë UEFA-n dhe katër vitet e ardhshme. Ai është rizgjedhur Presidenti i organizmit që qeveris futbollin kontinental.

Këtë besim francezi e mori nga delegatët në Kongresin e UEFA-s që po mbahet në Austri, ku ai ishte kandidati i vetëm në këtë garë.

Për ish-yllin e Francës, ky është mandati i tretë radhazi në krye të këtij institucioni të rëndësishëm të futbollit botëror.

“Faleminderit, shumë faleminderit! Faleminderit për besimin tuaj dhe mbështetjen tuaj”, – ka deklaruar ai.

“Kjo do të thotë shumë për mua, më shumë sesa ju ndoshta mund të imagjinoni”, – ka shtuar Platini, duke folur pas rizgjedhjes në këtë post.