ASNN – Shoqata Sportive e Minifutbollit Shqiptar ka organizuar Ligën Universitare. Edicioni i dytë i kësaj veprimtarie ka nisur këtë fundjavë në Tiranë. 12 universitete shqiptare të ndara, në 4 grupe, kanë zhvilluar fazën e parë të konkurrimit. Skuadrat e renditura në vendin e parë dhe të dytë në grup kalojnë në çerekfinale.
Liga Universitare në minifutboll ka startuar me edicionin e saj të dytë, e organizuar nga Shoqata Sportive Minifutbolli Shqiptar. Me pjesëmarrjen e 12 universiteteve shqiptare, private dhe publike, skuadrat janë ndarë në katër grupe me nga 3 skuadra. Takimet në grupe janë zhvilluar të shtunën dhe të dielën në datat 9 dhe10 prill 2016.
Rivaliteti ka qenë tepër i dukshëm në ndeshjet në grupe duke fiksuar rezultate me diferenca të vogla. Sipas rregullores të përcaktuar më parë, skuadrat që renditen në vendin e parë dhe të dytë ne grup kalojne ne fazen çerekfinale. Kjo fazë do te zhvillohet ne datat 16 dhe 17 prill 2016.
Ndërsa gjysmëfinalet dhe finalja do të luhen në datën 23 prill 2016. Kjo është veprimtaria e radhës e organizuar nga Shoqata Sportive e Minifutbollit Shqiptar.
