ASNN – Tejet i emocionuar për arritjen e tij të jashtëzakonshme, Lionel Mesi foli pas marrjes së trofeut të “Topit të Artë 2015”, duke thënë se kurrë nuk e kishte ëndërruar këtë arritje në futboll. “Është një moment shumë i veçantë për mua të jem përsëri këtu në këtë fazë, duke fituar përsëri një tjetër “Top të Artë”, – pohoi ai. – Është e pabesueshme e kam fituar për herë të pestë atë.”

“Kjo është një arritje që unë kurrë nuk e kisha ëndërruar në fëmijëri, – ka vijuar argjentinasi i Barcelonës. Dua të falënderoj të gjithë ata që votuan për mua, padyshim edhe shokët e skuadrës. Së fundi dua të falenderoj sportin e futbollit për gjithçka që më ka dhënë mua, më ka bërë të mësoj dhe të rritem.” Ndërkohë, pasi e ka fituar Topin e Artë për të 5-tën herë, Lionel Mesi ka konfirmuar se do ta mbyllë karrierën tek Barcelona.

Kështu, Mançester Siti, Paris SG-ja, Çellsi e klube të tjera të mëdha evropiane, talentin argjentinas mund ta shohin në mesin e tyre vetëm në ëndërra. “Unë kam thënë këtë një mijë e një herë, e njëjta përgjigje do të jetë gjithmonë”, – deklaruar ai. – Ideja ime është që të përfundojë karrierën në shtëpi, dhe shtëpia ime është Barcelona.” Kontrata aktuale e Messi me Barcelona përfundon në vitin 2018.