ASNN – Mbyllet turi i 16-shes, 7 skuadra janë nga Primera Divizion, një nga Segunda Divizion. Kupa e Spanjës, e njohur ndryshe edhe si Kupa e Spanjës, është një tjetër ekskluzivitet madhor i Rrjetit të Radio-Televizionit Shqiptar, i cili ka sjell këtë mesjavë përballjet më të spikatura të turit të 16-shes. Dhe, pasi ka transmetuar të mërkurën në mbrëmje drejtpërdrejt takimin e luajtur në Stadiumin “Benito Vijamarin” të Seviljes, midis Real Betisit dhe Real Sociedadit, që u fitua vendasit, por vetëm në shtesë, me shifrat 3-1, transmetuesi publik ka vijuar të mërkurën të sjellë dy përballje të tjera në kanalin RTSH Sport.
I pari ka qenë dueli midis Seviljes dhe Valencias, që është fituar nga vendasit me rezultatin 3-0, me dy gola Luk de Jongut dhe një të Ivan Rakitiçit. Ndërkaq, në takimin tjetër të mbrëmjes, Rajo Vajekano dhe Barcelona i kanë mbyllur me rrjeta të paprekura 45 minutat e para, por në ato të dytat, edhe madrilenët të kalojnë të parët në epërsi, katalanët përmbysin dhe shënojnë dy herë, duket mposhtur Rajo Vajekanon 2-1. Ndërsa të enjten ka ardhur në RTSH Sport përballja Alkojanos dhe Atletik të Bilbaos, e cila e ka mbyllur pjesën e parë me epërsinë minimale të vendasve. Por miqtë do të barazojnë shifrat në minutën e 53-të, me anë të Vijalibres.
Ndërsa 12 minuta para fundit, Injaki Uilliams do të shënojë golin e dytë të baskëve, që përmbysin shifrat. Atletik i Bilbaos mposht kështu Alkojanon 2-1 dhe siguron vendin në çerekfinale të Kupës së Spanjës, aty ku janë kualifikuar të martën Levante, Vijareali dhe Real Betisi, ndërsa të mërkurën, Sevilja, Barcelona, por edhe Almeria, që mposhti pas goditjes së 11-metërshave Osasunën, pasi koha e rregullt dhe shtesat u mbyllën me rrjeta të paprekura. Ndërkaq, të enjten, Granada ka mposhtur ekipin e kategorisë së 3-të të futbollit spanjoll, Navalkarneron, me rezultatin tenistik 6-0.
Kështu, nga 8 skuadrat çerefinaliste, 7 janë nga niveli më i lartë, Primera Divizon, një nga niveli i dytë, Segunda Divizion.
