ASNN – Barleti Volej dhe Mirdita sigurojnë gjysmëfinalen e “play-off”-it, Teuta bën surprizën me Partizanin. Niveli më i lartë i Kampionati Kombëtar të Volejbollit për Femra, Grupi A1, uli të shtunën siparin me ndeshjet e javës së 14-të, ku Mirdita dhe Barleti Volej siguruan dy vendet e para dhe kalojnë sipas formulës direkt në gjysmëfinalen e “play-off”-it, duke pasur shanse maksimale për të fituar titullin e këtij sezoni.

Në ndeshjet e luajtura të shtunën, Mirdita nuk e pati aspak të vështirë me Lushnjën e vendit të fundit, të cilën e mundi me shifrat 3-0. Edhe Barleti Volej korri një sukses të rëndësishëm sepse mundi në derbi Tiranën me rezultatin 3-0. Fitore të thellë arriti edhe Vllaznia, e cila mundi Skënderbeun po 3-0, kurse surpriza e vetme ishte Teuta, e cila mundi në kryeqytet Partizanin me sete 3-1. Kjo disfatë e papritur ka sjellë nuk e ka ndryshuar vendin e katërt të Partizanit në renditje.

Por nxori jashtë loje Skënderbeun, të cilin e parakaloi përfundimisht Teuta e cila do të luajë në “play-off”. Interesant është fakti se, përtej eliminimit të korçareve, Partizani i trajnerit Roland Tarja nuk ka dashur të përfitojë nga humbja e rivales kryeqytetase, Tiranës, për të rrëmbyer vendin e 3-të në renditje, teksa ka zgjedhur të tregohet zemërgjerë me durrsaket e të preferojë në çerekfinale Vllazninë. Për hir të së vërtetës, kjo zgjedhje është e çuditshme.

Pasi shkodranet e shtangën Partizanin 3-2 në përballjen e fundit në kryeqytet pas javë më parë. Padyshim, meritat më të mëdha i kanë skuadrat e kreut, Mirdita e Barleti Volej, që e kanë dominuar me meritë këtë sezon dhe janë skuadrat favorite për të fituar titullin. Kuptohet, këto dy skuadra shkojnë direkt në gjysmëfinale, kurse dy skuadrat e tjera gjysmëfinaliste do të përcaktohet nga “play-off”-i midis Tiranës, Partizanit, Vllaznisë dhe Teutës.

Kampionati Kombëtar

i Volejbollit – Femra

Grupi A1

Java e 14-të

Të shtunën, 30 mars 2019:

Mirdita – Lushnja                  3-0

(25-13, 25-6, 25-12)

Partizani – Teuta                   1-3

(25-20, 16-25, 19-25, 13-25)

Barleti Volej – Tirana            3-0

(25-20, 25-15, 25-22)

Vllaznia – Skënderbeu        3-0

(25-15, 25-21, 25-15)

Renditja

Nr.       Skuadra         N.        F.         H.        Sete                Pikë

1. Mirdita            14        12          2        38-15              34
2. Barleti Volej   14        11          3        39-14              34
3. Tirana             14          9          5        32-17              28
4. Partizani        14          9          5        33-22              27
5. Vllaznia         14          7          7        25-29              19
6. Teuta              14          4        10        18-32              14
7. Skënderbeu  14          4        10        14-35              10
8. Lushnja         14          0        14          6-42                2