ASNN – Mbyllen kampionatet e futbollit edhe në Spanjë e Angli. Barcelona e Çellsi janë skuadrat fituese të titullit kampion për këtë sezon. Për Barçën, rrugëtimi nuk ka përfunduar teksa duhet të luajë në dy finale, atë të Kupë së Mbretit (Kupës së Spanjës) dhe Ligën e Kampioneve.
Barcelona ka fituar titullin “kampion” për këtë sezon, edhe pse ka barazuar 2-2 në ndeshjen e fundit. Lionel Mesi ka shënuar dy gola duke vazhduar në rrugën e rekordeve personale. Tashmë kampionët e Spajnës mendojnë për dy finalet e tjera, atë për Kupën e Mbretit dhe atë të Ligës së Kampioneve.
Për Barcelonën, fundi i këtij kampionati ka qenë disi i dhimbshëm teksa nuk do të ketë më shërbimet e Ksavi Hernandez, mesfushorit magjik që ka lënë vulën e tij në të gjitha trofetë e arritura nga skuadra spanjolle, si në Spanjë, ashtu edhe në arenën ndërkombëtare.
Çelsi është shpallur “kampion” i Anglisë teksa ka mundur në ndeshjen e fundit Sandërlendin, me shifrat 3-1. Në një ceremoni të bukur, skuadra e trajnerit Zhoze Murinjo, ka festuar titullin së bashku me tifozët në Stadiumin “Stemford Bridxh” të Londrës.
Tifozët e Çelsit kanë qenë të jashtëzakonshëm teksa kanë brohoritur gjatë gjithë kohët për idhujt e tyre. Ata kanë përshëndetur me respekt edhe portierin çek, Peter Çeh, si dhe sulmuesin nga Bregu i Fildishtë, Didier Drogba, të cilët i kanë dhënë lamtumirën skuadrës londineze.
