ASNN – Kampionati Kombëtar i Futbollit të Sallës, Tirana pëson humbjen e parë, Vllaznia mposht Partizanin. Kështu, pas finales së Kupës së Shqipërisë, është rikthyer Kampionati Kombëtar i Futbollit të Sallës, teksa janë luajtur të dielën dhe të hënën ndeshjet e javës së 7-të.

Në takimin e së dielës, Tirana pësoi humbjen e parë për këtë sezon ndaj Flamurtarit. Ndeshja e luajtur në Pallatin e Sportit “Asllan Rusi” në kryeqytet përfundoi me rezultatin 3-1 në favor të vlonjatëve. Kjo ishte një tjetër humbje e bardhebluve përballë vlonjatëve, që triumfuan edhe në finalen e Kupës.

Pavarsisht humbjes, bardheblutë vijojnë të kryesojnë kampionatin, teksa janë në vendin e parë me 18 pikë. Ndërkaq, në sfidën e luajtur në Arenën Sportive “Dhimitraq Goga” në Durrës, Vllaznia mposhti skuadrën e Partizanit me shifrat 7-6. Pas kësaj fitoreje, shkodranët ngjiten në vendin e dytë, me 8 pikë, ndërsa Flamurtari dhe Partizani ndodhen në kuotë të barabartë pikësh, me 7.

Kampionati Kombëtar

i Futbollit të Sallës

Java e 7-të:

Tirana – Flamurtari               1-3

Partizani – Vllaznia              6-7

Renditja

1. Tirana 18 pikë
2. Vllaznia   8 pikë
3. Flamurtari   7 pikë
4. Partizani   7 pikë