ASNN – Vllaznia është “padronia” e “Klasikes”. Mund 3-1 Tiranën në “Loro Boriçi”, Teuta mposht Erzenin 3-0 në Durrës. Me dy takimet e luajtura të shtunën në mbrëmje, ka ulur siparin java e 26-të e Kategorisë Superiore. Nën Shkodër, Vllaznia ka pritur Tiranën, duke fituar 3-1 në klasiken e futbollit shqiptar, ndërsa në Durrës, Teuta është përballur në derbin me Erzenin, duke e mundur 3-0. Kështu, java e 26-të e Kategorisë Superiore është me dy sfidat e fundit të zhvilluara të shtunën.
Vllaznia fitoi “klasiken” e futbollit shqiptar, pasi mundi Tiranën në Stadiumin “Loro Boriçi”. Kuqeblutë triumfuan me rezultatin 3-1 dhe tani janë vetëm 4 pikë larg vendit të parë që mbahet nga Egnatia. Edhe Teuta regjistroi një triumf tepër të rëndësishëm pasi mposhti Erzenin në Stadiumin “Niko Dovana” me rezultatin 3-0. Ndërkaq, tre takimet e tjera u luajtën të shtunën. Sfida Egnatia-Dinamo City, e luajtur në Stadiumin e Rrogozhinës, përfundoi në barazim me rezultatin 1-1.
Kjo ishte në fakt ndeshja e 5-të radhazi pa fitore për vendasit. Kurse Skënderbeu mori një tjetër fitore të rëndësishme pasi mundi Laçin me rezultatin minimal 1-0. Korçarët realizuan golin e vetëm në fundin e takimit dhe tani ndodhen në vendin e 4-t me 37 pikë. Partizani u rikthye te fitorja pasi mundi në kryeqytet Kukësin me rezultatin e thellë 3-0. Pjesa e parë e takimit u mbyll 0-0, ndërsa të kuqtë shënuan 3 gola në pjesën e dytë.
