ASNN – Takimi i fundit i javës së 25-të të Kategorisë Superiore, Partizani-Teuta, është mbyllurpa fitues. Një duel i luftuar, me pak hapësira e raste, që përfundoi me rezultatin 0-0 dhe dy skuadrat ndajnë vendin e tretë dhe të katërt, duke mbetur pas Vllaznisë dhe Laçit që janë në krye. Pa gola pjesa e parë, ndërsa në të dytën Blerim Krasniqi kishte një mundësi të mirë shënimi.
Sulmuesi goditi mbi traun e portës, kurse më pas Jasir Asani preferoi të mos shërbente për shokët e skuadrës dhe goditi jashtë. Në minutën e 74-t, Bitri shënoi një gol për Partizanin, por që u konsiderua në pozicion jashtë loje. Deri në fund përpjekjet e të dyja skuadrave shkuan dëm, duke u mbyllur gjithçka në 0-0 dhe Teuta e Partizani morën vetëm nga një pikë
Ndërkaq, janë luajtur të dielën pasdreke 4 takimet e para të javës së 25-të të Kategorisë Superiores dhe Vllaznia është rikthyer në krye të renditjes, pasi ka mundur Kastriotin në minutat shtesë me një gol të shënuar nga Ardit Hoxhaj. Një duel shumë i luftuar, i mbyllur në mënyrë dramatike në favor të shkodranët, që rigjejnë kreun, ndërsa, në krahun tjetër, krutanët shohin tashmë Bylisin t’u afrohet.
Ka zhgënjyer Laçi, që e ka mbajtur vetëm një javë vendin e parë, pasi bëri një hap fals të shtunën në shtëpi, përballë Tiranës, “kampione” në fuqi. Bardheblutë, më të freskët fizikisht dhe shumë kërkues, ndëshkuan Laçin fillimisht me Çelhakën dhe më pas e pësuan direkt nga goditja e këndit prej Mazrekajt. Laçi nuk shënoi dot me Shehun, kurse nga ana tjetër Ismajgeci nuk fali me një goditje me të majtën.
Kurbinasit tentuan të barazojnë dhe rrezikuan me Mazrekajn dhe Markun, por Lika ishte shpëtimtar për Tiranën. Në fund Seferi mund të shënonte edhe golin e 3-të. Në Ballsh Bylisi nuk e fali Kukësin, duke e mundur falë dy golave të shënuar me anë të Edison Ndrecës. Për verilindorët golin e vetëm e shënoi Numan Kurdiç. Fitore e rëndësishme edhe për Skënderbeun, që mundi rivalët e Apolonisë.
Sadriu realizoi i pari për korçarët, por Mihana u kundërpërgjigj. Në fund Meksi me penallti i dha fitoren skuadrës së trajnerit Migen Memelli.
Kategoria Superiore
Java e 25-të
Të dielën, 21 mars 2021:
Laçi – Tirana 1-2
Shënues: Mazrekaj 40’ / Çelhaka 23’, Ismajgeci 78’
Stadiumi i Laçit
Apolonia – Skënderbeu 1-2
Shënues: Mihana 62’ / Sadriu 24’, Meksi 90’+2(11-m.)
Stadiumi “Loni Papuçiu”, Fier
Kastrioti – Vllaznia 0-1
Shënues: Hoxhaj 90’+2
Stadiumi i Kamzës
Bylisi – Kukësi 2-1
Shënues: Ndreca 15’, 45’ / Kurdiç 53’
Stadiumi “Adush Muça”, Ballsh
Partizani – Teuta 0-0
Stadiumi “Elbasan Arena”
