ASNN – Është luajtur dje edhe ndeshje e fundit e javës së 18-të të nivelit më të lartë të Kampionatit Kombëtar të Basketbollit për Meshkuj dhe Tirana ka treguar se nuk ka ndërmend ta ulë ritmin në sulmin e saj drejt kurorës së titullit “kampion”, duke mposhtur bindshëm, 96-63 skuadrën e Teutës, pikërisht në fushën e kësaj të fundit, në Pallatin e Sporti “Ramazan Njala” të Durrësit.

Ndërkaq, të premten, Vllaznia ka fituar me vështirësi në sallën kryesore të Pallatit të Sportit “Asllan Rusi” me Ardhmëria Basketin. Një ndeshje, e cila ka nisur me 15 minuta vonesë, sepse nuk kishte protokoll zyrtar të ndeshjes, ndërsa edhe tabelat elektronike nuk janë më plotësisht funksionale, por, në përfundim, rezultati është 64-66 për shkodranët.

Për t’u evidentuar është kthimi i Kamza Basket tek fitorja, e cila kështu duket se e ka “çimentuar” vendin e 4-t pas suksesit 87-56 në shtëpi me Flamurtarin.

Kampionati Kombëtar

i Basketbollit – Meshkuj

Superliga

Java e 18-të

(17-18 mars 2017)

Të premten:

Kamza Basket – Flamurtari            87-56

Ardhmëria Basket – Vllaznia         64-66

Të shtunën:

Teuta – Tirana                                  63-96

Renditja

Nr.       Skuadra                     N.        F.         H.        Psh-Pp           Pikë

1. Tirana                         18        16          2        1727-1201     34
2. Vllaznia                     18        13          5        1428-1205     31
3. Teuta                          18        12          6        1358-1268     29
4. Kamza Basket          18          8        10        1343-1427     26
5. Ardhmëria Basket    18          6        12        1244-1192     24
6. Flamurtari                  18          0        18          889-1697     17