ASNN – Me dy duelet e 4 ekipeve të kryeqytetit është mbyllur edhe java e 12-të e Kampionatit Kombëtar të Futbollit për Femra, që është edhe java e parë e fazës së dytë. Kështu, derbi kryeqytetas i së dielës, Partizani-Tirana AS, foli për vajzat e Tirana AS, të cilat fituan me rezultatin 0-4. Koldashi shndërron në gol një 11-metërsh të fituar në minutën e 6-të, ndërsa 9 minuta më vonë, është sërish Koldashi që dyfishon rezultatin për Tirana AS.

Në pjesën e dytë, është sërish Koldashi që shënon golin e 3-të personal dhe të 3-tin për skuadrën në minutën e 56-të, kurse Troka vulos rezultatin në minutën e 82-të. 4-0 përfundon derbi i kryeqytetit, me Tirana AS-në që ngjitet në kuotën e 25 pikëve dhe renditet në vendin e katërt, ndërsa Partizani mbetet në vendin e 7-të, me 18 pikë. Ndërkaq, derbi tjetër i kryeqytetit, ai mes Kinostudios dhe Tiranës përfundoi në favor të vajzave bardheblu, me rezultatin 8-2.

Goro zhbllokoi rezultatin për bardheblutë në minutën e 29-të, duke kaluar në epërsi Tiranën. Pjesa e dytë nis vrullshëm, me Kinostudion që barazon rezultatin me Xhebrahimin në minutën e 47-të. Kesjana Goro kalon sërish në epërsi Tiranën, në minutën e 53-të, ndërsa 3 minuta më vonë, Kodra trefishon rezultatin nga një 11-metërsh që e shndërroi në gol. Sërish Goro për tiranaset, e cila shënon edhe dy gola të tjerë në minutat 67 dhe 81.

Ndërkaq shënon me dopietë Qose në të 82-n minutë dhe 84-t. Xhebrahimi shënon për Kinostudion në minutën e 85-të, duke firmosur edhe dygolëshin e saj personal në këtë takim, pavarsisht rezultatit. Ndeshja mbyllet kështu me fitoren 8-2 të vajzave bardheblu, me Tiranën që ruan vendin e 3-të, në kuotën e 29 pikëve, ndërsa Kinostudio mbetet në vendin e 6-të me 18 pikë.

Kampionati Kombëtar

i Futbollit – Femra

Java e 12-të

Të shtunën, 13 mars 2021:

Bilisht Sport – Akademia AAS        0-1

Teuta – Juban Danja                       2-6

Vllaznia – Lushnja                           8-0

Apolonia – Skëndërbeu                 10-0

Të dielën, 14 mars 2021:

Partizani – Tirana AS                       0-4

Kinostudio – Tirana                          2-8

Renditja

Nr.       Skuadra                     N.        F.         B.        H.        Gsh-Gp          Pikë

1. Vllaznia                     12        12        0          0          86-3                36
2. Apolonia                    12        10        1          1          86-6                31
3. Tirana                         12        9          2          1          87-13              29
4. Tirana AS                  12        8          1          3          64-17              25
5. Juban Danja             12        8          0          4          42-17              24
6. Kinostudio                 12        6          0          6          59-39              18
7. Partizani                    12        6          0          6          47-35              18
8. Akademia AAS         12        4          0          8          13-74              12
9. Skënderbeu              12        3          0          9          23-57                9
10. Teuta 12        3          0          9          27-69                9
11. Lushnja             12        1          0          11        4-77                  3
12. Bilisht Sport             12        0          0          12        0-131                0