ASNN – Kategoria Superiore e Kampionatit Kombëtar të Futbollit ka luajtur sot 4 prej takimeve të javës së saj të 21-të. Duke nisur nga ora 14:00, Kukësi ka qenë mysafir në Laç për t’u përballur me skuadrën vendase, në ndeshjen që u soll për sportdashësit drejtpërdrejt nga Rrjeti i Radio-Televizionit Shqiptar.

Kuksianët kanë kaluar të parët në epërsi, në minutën e 25-të, me anë të kroatit Pero Pejiç, por vendasit kanë barazuar shifrat 15 minuta më pas, me anë të Metos. Në barazim 1-1 do të mbyllet pjesa e parë, ndërsa në të dytën, është sërish Meto që shënon për laçjanët, duke shënuar golin e dytë personal dhe duke firmosur fitoren e skuadrës së tij me rezultatin 2-1.

Po në orën 14:00 është luajtur edhe ndeshja tjetër, ku Elbasani ka pritur në fushën e vet Teutën, duke fituar me një gol të vetëm, të shënuar në minutën e 77-të. Ndërkaq, duke nisur nga ora 17:00, janë luajtur dy ndeshjet e tjera, ku Vllaznia është mundur 0-1 në Shkodër nga Tirana, ndërsa Flamurtari ka fituar me një gol të vetëm ndaj Apolonisë.

Java e 21-të mbyllet të hënën, me takimin e orës 18:00 midis Partizanit dhe Skënderbeut. Në prag të këtyre ndeshjeve, renditjen e Kategorisë Superiore e kryesojnë Tirana dhe Kukësi, me nga 44 pikë secila, të ndjekura nga Skënderbeu e Partizani, me nga 40 pikë secila, por që kanë luajtur një ndeshje më pak.

Kategoria Superiore

Java e 21-të

Të dielën, 8 shkurt 2015:

Elbasani – Teuta                      1-0

Shënues: Lamçja 77’

Stadiumi “Elbasan Arena”, Elbasan

Laçi – Kukësi                           2-1

Shënues: Meto 40’, 69’ / Pejiç 25’

Drejtpërdrejt në RTSH

Stadiumi i Laçit

Vllaznia – Tirana                      1-0

Shënues: Elis Bakaj 90’+4

Stadiumi “Loro Boriçi”, Shkodër

Flamurtari – Apolonia              1-0

Shënues: Telushi 45’(11-m.)

Stadiumi “Flamurtari”, Vlorë

Të dielën, 8 shkurt 2015:

Partizani – Skënderbeu           (18:00)

Stadiumi “Niko Dovana”, Durrës

Renditja

Nr.       Skuadra          N.        F.         B.         H.        Gsh-Gp           Pikë

1. Tirana 21        13        5          3        28-12               44
2. Kukësi 21        14        2          5        27-13               44
3. Skënderbeu 20        12        4          4        30-10               40
4. Partizani 20        12        4          4        19-8                 40
5. Laçi 21        8        8          5        22-14               32
6. Flamurtari 21        7        7          7        17-14               28
7. Vllaznia 21        8        2          11        18-22               23
8. Teuta 21        6        1          14        19-30               19
9. Elbasani 21        4        0          17        12-38               12
10. Apolonia 21        2        3          16        4-35               9