ASNN – Niveli i dytë të Kampionatit Kombëtar të Basketbollit për Meshkuj, që njihet si Kategoria e Parë, ka mbyllur dje fazën e parë të tij me ndeshjet e javës së 5-të, që kanë konfirmuar si kryesuese Ardhmëria Basketin e trajnerëve Afrim Bilalit dhe Henri Mojës, e cila ka mundur edhe Elbasanin dje pasdite në Pallatin e Sportit “Asllan Rusi”, duke triumfuar me shifrat 72-63.

Në takimin tjetër, Skënderbeu ka korrur dje fitoren e parë të sezonit, sukses që erdhi ndaj skuadrës së vendit të fundit në kategorinë e parë. Në fakt si Skënderbeu, por edhe Tirana Eagles, pas tre ndeshjeve të para, nuk kishin asnjë fitore. Dhe pas këtij suksesi korçarët janë ngjitur një shkallë, kurse Eagles ka mbetur në fundin e tabelës. Ardhmëria Basket kryeson me 8 pikë, një më tepër sesa ndjekësja më e afërt, Superiore Klima.

Kampionati Kombëtar

i Basketbollit – Meshkuj

Kategoria e Parë

Java e 5-të

(7 nëntor 2015)

Ardhmëria Basket – Elbasani                    72-63

Skënderbeu – Eagles                                 61-54

Superior Klima                                             pushim

Renditja

Nr.       Skuadra                     N.        F.         H.        Psh-Pp           Pikë

1. Ardhmëria Basket 4          4          0          282-174         8
2. Superior Klima 4          3          1          251-179         7
3. Elbasani 4          2          2          306-247         6
4. Skënderbeu 4          1          3          192-300         5
5. Tirana Eagles 4          0          4          177-308         4