ASNN – Lioni kalon Shahtjorin në një mbrëmje dramatike, Bajerni i merr Ajaksit kreun e grupit E. Liga e Kampioneve mbylli të mërkurën në mbrëmje fazën e grupeve, me duelet e fundit në grupet E, F, G dhe H, ku padyshim pati surpriza të mëdha, sepse skuadrat e mëdha në shumicën e tyre nuk fituan, duke ngjallur edhe dyshime, ku Reali i Madridit dhe Roma pësuan humbje të rënda, ndërsa Juventusi mbylli me disfatë grupin H, por e ruan kreun dhe vijon më tej, së bashku me Mançester Junajtid, i cili, edhe pse u mund në Spanjë ng Valencia, e kishte siguruar më parë kualifikimin.

Në grupin A, Bajerni i Mynihut dhe Ajaksi u përballën në Holandë në një ndeshje spektakolare, me shumë gola, me kartonë të verdhë e të kuq, nga një për secilën skuadër, ndërsa ndeshja u mbyll në barazim 3-3, një rezultat që i dha të drejtë ekipit gjerman të mbyllte grupin në vend të parë. Dueli tjetër, Benfika-AEK Athinë, u mbyll me fitoren e portugezëve 1-0, dhe Benfika shkon në Ligën e Evropës si vend i tretë. Në grupin F, Mançester Siti përmbysi Hofenhaimin dhe fitoi 2-1, duke mos e vënë në diskutimin prestigjin e tij dhe vendin e parë në grup.

Dueli tjetër, i cili ishte dramatik dhe plot ankth deri në sekondën e fundit, Shahtjor i Donjeckut-Lion, u mbyll në barazim 1-1, por ky rezultat mbajti Lionin në vend të dytë që kualifikohet më tej në Ligën e Kampioneve, kurse skuadra ukrainase zuri vendin e 3-të dhe do të luajë në Ligën e Evropës. Në grupin G ndodhën “çudira”. Reali i Madridit pëson disfatë të rëndë në fushën e tij, duke u mundur nga CSKA e Moskës 0-3. Edhe Roma u mund nga Viktoria e Plzenjit me shifrat 2-1. Në fakt, si Reali, ashtu dhe Roma e kishin siguruar kualifikimin që më parë.

Ndërsa, si vend i tretë në Ligën e Europës do të shkojnë çekët e Viktorias së Plzenjit. Në grupin H pati gjithashtu “surpriza”, pasi Juventusi, skuadra që cilësohet favorite për të fituar Ligën e Kampioneve, humbi përballë modestëve të Jang Bojs me rezultatin 2-1, në një ndeshje ku pati mjaft kontestime për vendimet e arbitrave. Dueli tjetër, ai mes Valencias dhe Mançester Junajtid, përfundoi gjithashtu 2-1, në favor të spanjollëve, që do të luajnë në vazhdim në Ligën e Evropës.

Liga e Kampioneve

Faza e ndeshjeve në grupe

Takimet e 6-ta:

Grupi E

Ajaks – Bajern Mynih           3-3

Benfika – AEK Athinë          1-0

Renditja

Nr. Skuadra   Pikë

1. Bajern Mynih 14
2. Ajaksi 12
3. Benfika               7
4. AEK Athinë   0

Grupi F

Mançester Siti – Hofenhaim           2-1

Shahtjor Donjeck – Lion                  1-1

Renditja

Nr. Skuadra               Pikë

1. Mancester Siti 13
2. Lioni                       8
3. Shakhtjor   6
4. Hofenheim   3

Grupi G

Real Madrid – CSKA Moskë           0-3

Viktoria Plzenj – Roma                    2-1

Renditja

Nr. Skuadra               Pikë

1. Real Madrid 12
2. Roma   9
3. Viktoria Pëlzen   7
4. CSKA Moskë   7

 Grupi H

Jang Bojs – Juventus                      2-1

Valencia – Mançester Junajtid       2-1

Renditja

Nr. Skuadra                           Pikë

1. Juventus             12
2. Mançester Junajtid 10
3. Valencia               8
4. Jang Bojs   4