ASNN – Laçi i ka bërë një nisje mjaft të mirë gjysmës së dytë të sezonit futbollistik dhe vitit 2016, teksa ka mundur Partizanin 2-0 në ndeshjen e parë çerekfinale të vlefshme për Kupën e Shqipërisë.
Të dy golat për skuadrën kurbinase u shënuan nga Xhejms. Fitore me rezultatin 1- 0 ka arritur edhe Teuta ndaj Kukësit, në ndeshjen që u luajt pasdite.
Ndeshjet e para të dy çifteve të tjera çerekfinale luhen të dielën dhe, duke nisur nga ora 14:00, Vllaznia pret në Shkodër Skënderbeun, ndërsa duke nisur nga ora 17:00 luhet në Vlorë përballja Flamurtari-Tirana.
Ndeshjet e kthimit të çerekfinaleve të Kupës së Shqipërisë luhen pas 3 javësh, më 17 shkurt 2016.
