ASNN – Liga e Kampioneve pati surpriza të shumta të martën në mbrëmje, pasi skuadrat italiane mbetën jashtë Ligës së Kampioneve, sepse u eliminuan nga klubet angleze. Kështu, në grupin B, Interi mbeti për “mend e kokës” jashtë veprimtarisë më prestigjioze të klubeve të kontinentit, sepse nuk arriti të mundte holandezët e PSV Eind’hovenit, në një ndeshje që përfundoi në barazim 1-1 në “San Siro”. Mori një pikë që nuk mjafton, edhe pse Barcelona barazoi me Totenhemin me të njëjtat shifra, në një ndeshje ku Mesi ishte në stol.

Anglezët morën një pikë, por ishin përpara në renditje dhe me nga 8 pikë secili ia dolën të shkonin si vend i dytë në këtë grup. Interi e mbyll në vend të 3-të, ku do të kalojë të luajë në Ligën e Evropës. Në një farë mase dështim, pasi kishte shansin të paktën të fitonte ndeshjen e vet që nuk ia doli. Holandezët shënuan në pjesën e parë me Lozanën, kurse Ikardi barazoi në pjesën e dytë. Një tjetër skuadër italiane që u eliminua nga Liga e Kampioneve të martën në mbrëmje ishte Napoli. Humbi përballë Liverpulit 1-0, duke mbetur në vend të 3-të e do të luajë në Ligën e Evropës.

Liverpuli ia doli ta përmbysë me një gol të pjesës së parë të Mohamed Salahut. Ishte një duel direkt për vendin e dytë dhe të dy skuadrat barazuan me 9 pikë në renditje, por kaluan anglezët falë golavarazhit më të mirë. Skuadra tjetër e kualifikuar në grupin C ishte Paris SG-ja, e cila mundi 4-1 brenda në Beograd Crvena Zvezdën. Pra PSG shkoi në kuotën e 11 pikëve, kurse Liverpuli u rendit i dyti në grupin C. Sa i takon grupeve A dhe D, nuk kishte vend për surpriza, pasi të kualifikuarit ishin përcaktuar që në javët e shkuara.

Kështu, në grupin A kalojnë Borusia e Dortmundit dhe Atletiko e Madridit, ndërsa si vend i 3-të në Ligën e Evropës shkon Klub Bryzhi. Në grupin D, Porto fitoi 3-2 ndaj Gallatasarajit dhe Shalke 1-0 ndaj Lokomotivës së Zagrebit dhe të dy ekipet, pra si gjermanët dhe portugezët kalojnë në turin tjetër të Ligës së Kampioneve. Si vend i 3-të në Ligën e Evropës shkojnë turqit e Gallatasarajit.

Liga e Kampioneve

Grupi A

Klub Bryzh – Atletiko Madrid          0-0

Monako – Borusia e Dortmundit    0-2

Renditja

Nr. Skuadra                           Pikë

1. Borusia Dortmund 13
2. Atletiko Madrid 13
3. Klub Bryzh   6
4. Monako   1

Grupi B

Barcelona – Totenhem        1-1

Inter – PSV Eind’hoven       1-1

Renditja

Nr. Skuadra               Pikë

1. Barcelona 14
2. Totenhem   8
3. Inter   8
4. PSV Eindhoven 2

Grupi C

Liverpul – Napoli                               1-0

Cërvena Zvezda – Paris SG           1-4

Renditja

Nr. Skuadra                           Pikë

1. Paris SG             11
2. Liverpul   9
3. Napoli   9
4. Cërvena Zvezda  4

Grupi D

Gallatasaraj – Porto                          2-3

Shalke 04 – Lokomotiva Moskë     1-0

Renditja

Nr. Skuadra                           Pikë

1. Porto             16
2. Shalke 04            11
3. Gallatasaraj   4
4. Lokomotiva Moskë   3