ASNN – Ekipet shqiptare, si për meshkuj, ashtu edhe për femra dominuan këtë edicion të parë të Ligës “Gjergj Kastrioti” në volejboll, veprimtarinë që bën bashkë ekipet nga Shqipëria e Kosova. Në të dyja kategoritë, në finale dolën ekipet nga Shqipëria, që fituan me meritë përballjet me rivalet nga Kosova.
Te femrat, në finale janë kualifikuar Tirana dhe Skënderbeu, që fituan sfidat e dyta. Bardheblutë fituan 3-0 ndaj Dritës në Kosovë (25-23, 25-14, 28-26), një ndeshje me
rivalitet shumicën e kohës. Ndërsa Skënderbeu fitoi 3-1 në Korçë ndaj Fer Volej (25-
15, 25-11, 22-25, 25-5), në një ndeshje të mbizotëruar nga vendaset.
Skënderbeu përmbysi humbjen 2-3 të takimit të parë, duke u kualifikuar për në finale. Të mërkurën, në orën 16:30 në Sallën Sportive të Lojërave me Dorë “Feti Borova” në kryeqytet do të zhvillohet beteja për trofeun mes Tiranës dhe Skënderbeut, ekipe që do të përballen edhe të dielën në finalen e Kupës së Shqipërisë.
Ndërkaq, për meshkuj, në ndeshjet e dyta të zhvilluara të shtunën, ekipi i Tiranës fitoi 3-0 ndaj Pejës në “Fahrie Hoti” (25-18, 25-21, 25-21). Një ndeshje e dominuar nga Tirana, që pati fituar edhe sfidën e parë, duke dalë në finale. Në sfidën tjetër, Erzeni fitoi 3-0 (30-28, 25-10, 25-21) ndaj Ferizaj, në takimin e luajtur në Kosovë.
Vetëm seti i parë pati rivalitet, pasi më tej mbizotëruan shijakasit. Të mërkurën, në orën 19:00, ë Sallën Sportive të Lojërave me Dorë “Feti Borova” në kryeqytet do të zhvillohet beteja për trofeun mes Tiranës dhe Erzenit, skuadra që gjithashtu do të përballen edhe të dielën në finalen e Kupës së Shqipërisë.
Liga “ Gjergj Kastrioti”
Volejboll – Meshkuj
Gjysmëfinalet:
Takimet e para:
(19 shkurt 2022)
Erzeni – Ferizaj 3-0
Peja – Tirana 1-3
Takimet e kthimit:
(26 shkurt 2022)
Ferizaj – Erzeni 0-3
Tirana – Peja 3-0
Liga “Gjergj Kastrioti”
Volejboll – Femra
Gjysmëfinalet:
Takimet e para:
(19 shkurt 2022)
Fer Volej – Skënderbeu 3-2
Tirana – Drita e Gjilanit 3-1
Takimet e kthimit:
(26 shkurt 2022)
Skënderbeu – Fer Volej 3-1
Drita e Gjilanit – Tirana 0-3
