ASNN – Kategoria Superiore e Kampionatit Kombëtar të Futbollit ka kurorëzuar të shtunën matematikisht Skënderbeun si “kampione”, për të 5-tën herë radhazi dhe, të 6-tën në histori. Ndërsa të dielën janë luajtur takimet e tjera të javës së 35-të dhe ka spikatur Teuta, e cila ka mundur minimalisht Apoloninë në Stadiumin “Niko Dovana” të Durrësit. Kjo ndeshje, që u soll për sportdashësit drejtpërdrejt nga Rrjeti i Radio-Televizionit Shqiptar, ka vulosur rënien e Apolonisë nga Kategoria Superiore.

Pasi ka kurorëzuar të shtunën Skënderbeun si kampione e Shqipërisë për të 6-tën herë në histori dhe, si asnjëherë më parë, për të 5-tën herë radhazi, Kategoria Superiore e Kampionatit Kombëtar të Futbollit do t’i luajë sonte të gjitha ndeshjet e tjera të javës së saj të 35-të. Në takimin që u luajt të shtunën dhe që ngriti siparin e javës së parafundit të këtij sezoni, korçarët mundën Flamurtarin me nga një gol të shënuar për secilën pjesë loje.

Skënderbeu ka marrë fitoren që i ngjiti në kuotën e 76 pikëve dhe që i garantoi edhe matematikisht se nuk mund të arrihet më nga 3-shja e ndjekësve, Kukësi, Tirana dhe Partizani. Ndërkaq, midis takimeve të sotme, ai më i luftuari ka qenë dueli midis Teutës dhe Apolonisë, që u luajt në Stadiumin “Niko Dovana” të Durrësit. Kjo ndeshje, që u soll për sportdashësit drejtpërdrejt nga Rrjeti i Radio-Televizionit Shqiptar, ka qenë një duel për jetë a vdekje përsa i përket mbijetesës në nivelin më të lartë të futbollit shqiptar.

Durrsakët kanë fituar me një gol të shënuar në sekondat e fundit, duke siguruar qëndrimin midis më të mirave të futbollit shqiptar, ndërsa Apolonia zbret në Kategorinë e Parë. Në takimet e tjera, Kukësi ka shpartalluar në fushën e vet Tiranën, Vllaznia është mundur 0-1 në kryeqytet nga Partizani, ndërsa Laçi ka fituar 2-0 në shtëpi me Elbasanin. Pas Skënderbeut, që ka 76 pikë, renditet Kukësi me 72, Partizani me 70, Tirana me 68, dhe Laçi me 66 pikë.

Kategoria Superiore

Java e 35-të

(9-10 maj 2015)

Të shtunën:

Skënderbeu – Flamurtari    2-0

Shënues: Latifi 42’, S. Lilaj 90’+2

Stadiumi “Skënderbeu”, Korçë

Të dielën:

Partizani – Vllaznia              1-0

Shënues: Mazrekaj 25’(11-m.)

Stadiumi Kombëtar “Qemal Stafa”, Tiranë

Kukësi – Tirana                     4-1

Shënues: Hysa 4’, Pejiç 23’, 36’, 38’ / Ndikumana 79’

Stadiumi “Zeqir Ymeri”, Kukës

Laçi – Elbasani                     2-0

Shënues: Meto 18’, Çela 86’

Stadiumi i Laçit

Teuta – Apolonia                  1-0

Shënues: Peposhi 90’+3

Stadiumi “Niko Dovana”, Durrës

Renditja

Nr.       Skuadra         N.        F.         B.        H.        Gsh-Gp          Pikë

1. Skënderbeu 35        23        7          5        56-18              76
2. Kukësi 35        22        6          7        54-26              72
3. Partizani 35        21        7          7        39-24              70
4. Tirana 35        20        8          7        46-27              68
5. Laçi 35        19        9          7        42-18              66
6. Flamurtari 35        10        8          17        28-35              38
7. Vllaznia 35        11        5          19        27-39              35
8. Teuta 35        9        2          24        31-53              29
9. Apolonia 35        7        4          24        18-52              25
10. Elbasani 35        4        2          29        19-71              14