ASNN – Solskjaeri po shkëlqen në stolin e “Djajve të kuq”, por drejtuesit do të vendosin në fund të sezonit. Trajneri i përkohshëm, Ole Gunar Solskjaer korri të premten fitoren e 8-të në po aq ndeshje dhe lojtarët dhe tifozët e Mançester Junajtid dëshirojnë që ai të qëndrojë. Por duket se drejtuesit e klubit të njohur anglez nuk do të nxitohen sa i përket një vendim për trajnerin e ri, pavarësisht nga bilancin mbresëlënës i Ole Gunnar Solskjaerit.
Norvegjezi i ka fituar 8 ndeshje që nga marrja e drejtimit mbi baza të përkohshme, të klubit ku ai ka luajtur si një lojtar, pas shkarkimit të Zhoze Murinjos në dhjetor. Dhe ekziston një besim në rritje mes lojtarëve, tifozëve dhe stafit në Mançester Junajtid se norvegjezi ka bërë tashmë mjaft për të fituar stolin në baza të përhershme. Por mediat britanike theksojnë se Zëvendës-shefi ekzekutiv, Ed Uduërd dhe pronarët amerikanë të klubit janë dakord se vendimi për pasardhësin e Murinjos do të merret brenda muajve dhe jo javëve të ardhshme.
Mauricio Poketino i Totenhemit pëlqehet shumë nga drejtuesit, pavarsisht se po dështon me skuadrën londineze në sfidën për titullit dhe u eliminua në gjysmëfinale të Kupës përballë Çellsit. Por drejtuesit e Mançester Junajtid e Bashkuara janë të lumtur që Solskjaer të vazhdojë periudhën e tij të provës. që e ka katapultuar atë në pozicion të favorshëm si një konkurrent serioz.
Ai ka thyer rekordin e 6 fitoreve radhazi, që mbahej nga legjendari Sër Met Basbi, dhe lojtarët që ai trashëgoi nga Murinjo po luajnë në një stil që pasqyron traditat më të mira të klubit. Dhe me yje të skuadrës si Pol Pogba, David De Gea dhe Antoni Marsial, të gjithë të gatshëm të bisedojnë për kontratat e reja, Solskjaeri duket se gjithashtu ka shëruar edhe përçarjen që ekzistonte në dhoma e zhveshjeve, të shkaktuara nga stili i menaxhimit absurd të paraardhësit portugez.
