Ndryshe nga grupi i Veriut, në Grupin B, apo grupin e Jugut të Kategorisë së Parë të Kampionatit Kombëtar të Futbollit, situata është më e thjeshtë. Skuadra që do të luajë në Superiore sezonin e ardhshëm pritet të përcaktohet në përplasjen direkte Lushnja-Bylis në javën e fundit.

Renditja aktualisht kryesohet nga Lushnja me tre pikë më shumë se Bylis, që do të thotë se formacioni i Artan Banos, përveç faktorit fushë, do të ketë në favor edhe diferencën prej tre pikësh. Pra lushnjarëve i intereson edhe një barazim për ta nxjerrë jashtë loje këtë kundërshtar.

Para përplasjes në “Roza Haxhiut” mendohet se nuk do të gabojë asnjëra skuadër, ndonëse kalendarin më të vështirë e ka Lushnja që do të luajë me Sopotin brenda dhe me Butrintin në fushë të huaj, ndërsa, nga ana tjetër, Bylisi pret në shtëpi Butrintin dhe Naftëtarin.

Kategoria e Parë

Grupi B

Java e 25-të

(2 maj 2015)

Të shtunën:

Naftëtari – Dinamo

Bylis – Butrinti

Luftëtari – Tomori

Shkumbini – Pogradeci

Lushnja – Sopoti

Renditja

Nr.       Skuadra                     N.        F.         B.        H.        Gsh-Gp          Pikë

1. Lushnja 24        14        5          5        30-14              47
2. Bylis Ballsh 24        14        2          8        41-26              44
3. Butrinti Sarandë 24        11        8          5        29-12              41
4. Sopoti 24        11        5          8        29-27              38
5. Dinamo 24        8        8          8        26-24              32
6. Shkumbini 24        8        6          10        24-26              30
7. Tomori 24        7        6          11        17-33              27
8. Luftëtari 24        7        4          13        15-24              25
9. Pogradeci 24        7        4          13        16-27              25
10. Naftëtari Kuçovë 24        4        10        10        17-31              22