ASNN – Në grupin B të Kategorisë së Parë të Kampionatit Kombëtar të Futbollit, ka spikatur sfida mes Dinamos dhe Lushnjës, e cila ka dhuruar emocione deri në minutat e fundit të lojës. Kryeqytetasit e kanë nisur mirë duke shënuar të parët, madje dy herë radhazi, brenda dy minutash (21 dhe 23), me anë të Allmuçës dhe Imamit.

Ndërkohë skuadra mike ngushton diferencën në minutën e 38-të, me anë të Cankës, i cili tregohet i saktë nga pika e bardhë e 11-metërshi. Ka qenë një 11-metërsh i akorduar nga gjyqtari, por që është fishkëllyer nga tifozeria dinamovite. Megjithatë, loja ka vazhduar dhe me epërsinë 2-1 të Dinamos mbyllen 45 minutat e para.

Në 45 minutat e dyta, ka qenë përsëri i njëjti autor për lushnjarët, Mikel Canka, i cili ka shënuar dhe dy herë të tjera në portën e kryeqytetasve, duke e përmbysur kështu rezultatin e takimit në 2-3. Me këtë fitore Lushnja, së bashku me Bylisin, që fitoi minimalisht në Pogradec ndaj skuadrës vendase, ruajnë kreun e grupit të jugut, me nga 41 pikë secila.

Në vendin e 3-të mbetet me 37 Butrinti, i cili fitoi me rezultatin 2-0 në Berat ndaj skuadrës vendase, ndërsa në vendin e 4-t është Sopoti, që ka 33 pikë, por luan sot ndaj Naftëtarit në Pogradec. Dinamo ka mbetur në vendin e 5-të, me 28 pikë, dhe jashtë betejës për t’u ngjitur në Kategorinë Superiore.

KATEGORIA E PARË

JAVA E 22-të

GRUPI B

Të shtunën, 11 prill 2015:

Tomori – Butrinti                    0-2

Shënues: Raboshta 77’, Jubani 96’

Stadiumi “Tomori”, Berat

Pogradeci – Bylis                  0-1

Shënues: Xhafa 75’

Stadiumi “Gjorgji Kyçyku”, Pogradec

Dinamo – Lushnja                2-3

Shënues: Allmuça 21’, Imami 23’ / Canka 38’(11-m.), 58’, 76’

Kompleksi “Internacional”, Pezë-Helmës

Shkumbini – Luftëtari          1-0

Shënues: Lluca 88’

Stadiumi i Peqinit

Të dielën, 12 prill 2015:

Sopoti – Naftëtari                  (16:00)

Stadiumi “Gjorgji Kyçyku”, Pogradec

Renditja

Nr.       Ekipi                           N.        F.         B.        H.        Gsh-Gp          Pikë

1. Lushnja 22        12        5          5          27-14              41
2. Bylis 22        13        2          7          29-23              41
3. Butrinti Sarandë 22        10        7          5          26-11              37
4. Sopoti Librazhd 22        9          6          7          24-23              33
5. Dinamo 22        8          7          7          25-21              28
6. Tomori 22        8          5          9          18-22              26
7. Shkumbini 22        7          4          11        23-27              25
8. Pogradeci 22        7          4          11        17-25              25
9. Naftëtari Kuçovë 22        4          9          9          17-29              21
10. Luftëtari 22        6          3          13        12-23              21